আজি সকলো ঠাইতে সহজলভ্য হোৱা এটিএম মেচিন হৈছে আধুনিক জীৱনৰ এটা অত্যাৱশ্যকীয় অংগ। এই মেচিনটোৰ বাবে বেংকৰ সৈতে ধনৰ লেনদেন কৰিবলৈ দীঘলীয়া শাৰীত ঠিয় হোৱাটো আজি ইতিহাস হৈ পৰিছে।
যোৱা কালি এটিএম মেচিনৰ ৫০বছৰ পূৰ্ণ হৈ ৫১ বছৰীয়া হ’ল।
ধনৰ লেনদেনত এটা বিপ্লবৰ সূচনা কৰা এই এটিএম মেচিনৰ আৱিস্কাৰক আছিল শ্বিলঙৰ যি কথা আমি বহুতেই নাজানো।
আৱিস্কাৰকগৰাকীৰ নাম হৈছে জন এড্ৰিয়ান শ্বেফাৰ্ড বেৰন। ১৯২৫ চনৰ ২৩জুনত জন্ম গ্ৰহণ কৰিছিল। তেওঁৰ দেউতাক আছিল উত্তৰ বংগৰ চিটাগং বন্দৰ আয়োগৰ মুখ্য অভিযন্তা আৰু মাক ডৰথি আছিল এগৰাকী অলিম্পিক টেনিছ খেলুৱৈ উইম্বলডন মহিলা ডাবলছৰ চেম্পিয়ন।
শ্বেফাৰ্ডে এডিনবৰা বিশ্ববিদ্যালয়ৰ ষ্টোৱে স্কুল আৰু কেমব্ৰিজ বিশ্ববিদ্যালয়ৰ ট্ৰিনিটি কলেজত অধ্যয়ন কৰিছিল (কিন্তু উত্তীৰ্ণ নোহোৱাকৈ কলেজ ত্যাগ কৰিছিল।
তাৰ পাছত তেও ১৯৫০ চনত ডে লা ৰুত মেনেজমেণ্ট অধ্যয়ন কৰে আৰু ডে লা ৰু ইনষ্ট্ৰুমেণ্টৰ সঞ্চালক হয়গৈ।
এবাৰ বেংকৰ পৰা টকা উলিওৱাত অসমৰ্থ হোৱাৰ পাছত তেওঁ স্বয়ংক্ৰিয়ভাৱে টকা উলিয়াব পৰা মেচিনৰ ধাৰণাটোৰ সাকাৰ ৰূপ দিয়ে। তেওঁ চকোলেট ভেণ্ডিং মেচিনৰদ্বাৰা অনুপ্ৰাণিত হৈছিল।
বাৰ্কলেকেছ মেচিন বুলি অভিহিত প্ৰথমটো ডে লা ৰু স্বয়ংক্ৰিয় কেছ ছিষ্টেম মেচিনটো ১৯৬৭ চনৰ জুনত উত্তৰ লণ্ডনৰ বাৰ্কলেজ বেংকৰ এনফিল্ড শাখাত স্থাপন কৰা হৈছিল।
উল্লেখ্য যে এটিএম মেচিনৰ মূল কাৰ্য প্ৰণালীটো বিখ্যাত ভাৰতীয় গণিতজ্ঞ ৰামানুজনৰ বিভাজন সূত্ৰৰ ওপৰত আধাৰিত।
