নিৰ্ধাৰিত সময়ৰ পূৰ্বেই ভাৰতীয় বায়ুসেনাৰ পৰা অৱসৰ; বেচৰকাৰী চাকৰিত যোগদান অভিনন্দনৰ

তেওঁ পাকিস্তানী যুদ্ধ বিমান মাটিত নমাই ভাৰতক গৌৰৱান্বিত কৰিছিল। তিনিদিন ধৰি পশ্চিমৰ এখন দেশত বন্দী হৈ থাকিলেও অৱশেষত পাকিস্তানে নিৰ্ধাৰিত সময়ৰ ভিতৰত তেওঁক মুকলি কৰি দিব লগা হৈছিল। এইবাৰ সেই অভিনন্দন বৰ্থমানে ভাৰতীয় বায়ুসেনাৰ পৰা অৱসৰ লৈ ব্যক্তিগত কোম্পানীত যোগদান কৰিছে।

জানিব পৰা মতে, তেওঁ গোৱাৰ ব্যক্তিগত বিমান সংস্থাত পাইলট হিচাপে কাম কৰি আছে। অৱশ্যে বৰ্তমান অৱসৰ লোৱাৰ পিছতো অভিনন্দনৰ অতীতৰ কাহিনী দেশবাসীৰ মনত সদায় স্মৰণীয় হৈ থাকিব।

২০০৪ চনৰ ১৯ ​​জুনত অভিনন্দন বৰ্থমানে ভাৰতীয় বায়ুসেনাত ফ্লাইং অফিচাৰ হিচাপে যোগদান কৰে।কিন্তু প্ৰথম অৱস্থাত তেওঁ দেশবাসীৰ মাজত ইমান জনপ্ৰিয় নহ’লেও ২০১৯ চনত তেওঁৰ চৰ্চাৰ কেন্দ্ৰবিন্দু হৈ পৰে। সেই বছৰৰ ১৪ ফেব্ৰুৱাৰীত ভাৰতীয় সেনাৰ কনভয় জম্মু-কাশ্মীৰৰ পুলৱামাৰ পৰা শ্ৰীনগৰলৈ ৰাওনা হয়। আৰু সেই কনভয়ত জইছ উগ্ৰপন্থী সংগঠনে পৰিকল্পনা কৰি আক্ৰমণ চলাইছিল। থিতাতে নিহত হয় ৪০ জন ভাৰতীয় জোৱান।

এই আক্ৰমণৰ ঠিক ১২ দিনৰ পাছত বায়ুসেনাই পাকিস্তানৰ বালাকোটত প্ৰৱেশ কৰি জইছ সন্ত্ৰাসবাদী শিবিৰবোৰ ধ্বংস কৰে। সেই সময়ত পাকিস্তানে ভাৰতীয় বায়ুসেনাৰ বিমানৰ বিৰুদ্ধে আকাশমাৰ্গত প্ৰতিশোধ ল’বলৈ চেষ্টা কৰিছিল। এখন এফ-১৬ যুঁজাৰু বিমান গুলীয়াই ভূপতিত কৰা হয়। কিন্তু ভাৰতীয় বায়ুসেনাৰ তেতিয়াৰ উইং কমাণ্ডাৰ অভিনন্দন বৰ্থমানে পাকিস্তানৰ পৰিকল্পনা বিফল কৰে।

প্ৰাপ্ত তথ্য অনুসৰি মিগ-২০০ যুদ্ধ বিমানেৰে পাকিস্তানী এফ-১৬ যুঁজাৰু বিমান এখন খেদি খেদি পাকিস্তানৰ আকাশমাৰ্গত প্ৰৱেশ কৰিছিল অভিনন্দন। পিছত বিমানখন গুলীয়াই ভূপতিত কৰাত অভিনন্দনক পাকিস্তানত বন্দী কৰা হয়।

পাকিস্তান প্ৰশাসনে অভিনন্দন বৰ্থমানৰ বিভিন্ন ভিডিঅ’ ছচিয়েল মিডিয়াত আপলোড কৰিবলৈ আৰম্ভ কৰে। ইফালে ভাৰতকে ধৰি সমগ্ৰ বিশ্বই ভাৰতীয় বায়ুসেনাৰ প্ৰাক্তন উইং কমাণ্ডাৰগৰাকীক মুক্তিৰ দাবীত সৰৱ হৈ পৰে। ৰাষ্ট্ৰসংঘইও পাকিস্তানক সকীয়াই দিবলৈ আৰম্ভ কৰে।

দিল্লীয়ে অৱগত কৰে যে অতি সোনকালে অভিনন্দনক সন্মান সহকাৰে ঘূৰাই পঠিয়াব লাগে। যদি তেওঁৰ কিবা হয় তেন্তে তাৰ পৰিণাম পাকিস্তানে ভোগ কৰিব লাগিব। আৰু এই সতৰ্কবাণীৰ পিছত পাকিস্তান সেনাই তেওঁক ততাতয়াকৈ ঘূৰাই পঠিয়াই দিয়ে।

কোৱা বাহুল্য যে পাকিস্তানত যুদ্ধ কৰি ঘৰলৈ উভতি অহাৰ ৭ বছৰৰ পাছত অৱশেষত ২০১৯ চনত ভাৰতীয় বায়ুসেনাৰ পৰা নীৰৱে অৱসৰ লয় অভিনন্দন বৰ্থমানে। জানিব পৰা মতে তেওঁ চাকৰি জীৱন শেষ হোৱাৰ আগতেই অৱসৰ লোৱাৰ সিদ্ধান্ত লৈছিল। আৰু সেইটোৱে কাৰ্যতঃ বায়ুসেনাত এক শূন্যতাৰ সৃষ্টি কৰিছে! কিন্তু সেই শূন্যতা অতি সোনকালে পূৰণ হ’ব। অভিনন্দনৰ বিকল্প বিচাৰি পাব ভাৰতীয় বায়ুসেনাই।

খবৰ অনুসৰি আগষ্ট মাহৰ পৰাই অভিনন্দনে গোৱাৰ ব্যক্তিগত বিমান সংস্থা FLY91 ত কাম আৰম্ভ কৰি দিছে।