মালাবাৰ ৰিভাৰ ফেষ্টিবেলৰ ২১ অনূৰ্ধ্বৰ এছিয়া শাখাৰ কায়াকিং (kayaking) প্ৰতিযোগিতাত মেঘালয়ৰ যুৱক শ্বিনিংষ্টাৰ বাছায়ামোইতে তৃতীয় পুৰস্কাৰ লাভ কৰিবলৈ সক্ষম হৈছে।
উল্লেখ্য যে মালাবাৰ ৰিভাৰ ফেষ্টিভেল হৈছে কেৰেলাত অনুষ্ঠিত আন্তৰ্জাতিক পৰ্যায়ৰ কায়াকিং প্ৰতিযোগিতা।
২১ বছৰীয়া বাছায়ামোইত মেঘালয়ৰ মেঘালয়ৰ ৰি ভই জিলাৰ লাও বাইৰ্ৱা গাঁৱৰ বাসিন্দা।
যোৱা বছৰ বাছায়ামোইতে কৰ্ণাটকত অনুষ্ঠিত কালি কায়াক ফেষ্টিভেলৰ ইণ্টাৰমিডিয়েট শাখাত প্ৰথম পুৰস্কাৰ লাভ কৰিছিল।
মালাবাৰ ৰিভাৰ ফেষ্টিবেলৰ ১৯ খন দেশৰ ১০০ গৰাকী প্ৰতিযোগীয়ে অংশগ্ৰহণ কৰিছিল। নিউজিলেণ্ডৰ মাইক ডছনে সৰ্বশ্ৰেষ্ঠ প্ৰতিযোগীৰ খিতাপ অৰ্জন কৰিছে।
২১ বৰ্ষীয় শ্বিনিংষ্টাৰ বাছায়ামোইত হৈছে আইটিআই ( Industrial Training Institute) শ্বিলঙৰ ছাত্ৰ। তেওঁ ৰি ভই জিলাৰ ছুমেৰৰ ওচৰত থকা আয়ান আৰু শ্বিলা ভিনচেণ্টৰ দ্বাৰা পৰিচালিত হোৱাইট ৱাটাৰ ভিলেজ নামৰ হোৱাইট ৱাটাৰ পাৰ্ক এখনক কায়াকিঙৰ অনুশীলনী কৰে।
উক্ত প্ৰতিযোগিতাত শ্বিনিংষ্টাৰ বাছায়ামোইতৰ উপৰিও জুনেবৰ্লাং এল নংব্ৰি আৰু ডেভিড ভিনচেণ্ট নামৰ যুৱক দুগৰাকীয়েও এই প্ৰতিযোগিতাখনত মেঘালয়ক প্ৰতিনিধিত্ব কৰিছিল।
