ফুটবলৰ প্ৰচাৰ আৰু প্ৰসাৰৰ উদ্দেশ্যে বৰপেটা সত্ৰৰ সমীপৱৰ্তী ঠাকুৰ বজাৰ অভিনৱ সমিতিৰ উদ্যোগত বৰপেটা চহৰত অনুষ্ঠিত মুকুট পাঠক সোঁৱৰণি ১৪ বছৰ অনুৰ্ধ্ব প্ৰাইজমানি ফুটবল প্ৰতিযোগিতাত উদ্যোক্তা ঠাকুৰ বজাৰ অভিনৱ সমিতিয়ে চেম্পিয়নৰ খিতাপ লাভ কৰে ৷
বৰপেটা সত্ৰৰ বাছ আস্থানৰ খেলপথাৰত আজি অনুস্থিত প্ৰতিযোগিতাখনৰ চূড়ান্ত খেলখনত ঠাকুৰ বজাৰ অভিনৱ সমিতিয়ে আভা স্পোৰ্টচ ক্লাবক ট্ৰাইবেকাৰৰ সহাযত ৩- ২ গলৰ ব্যৱধানত পৰাজিত কৰে।
খেলৰ অন্তত বিজয়ী আৰু বিজেতা দলক বঁটাৰ লগতে প্ৰাইজমানি প্ৰদান কৰে অসম বিত্তীয় নিগমৰ উপাধ্যক্ষ অনিল দাসে। প্ৰতিযোগিতাৰ শ্ৰেষ্ঠ খেলুৱৈৰ বঁটা লাভ কৰে আভা স্পোৰ্টচ ক্লাবৰ চামচুমা বড়ো আৰু শ্ৰেষ্ঠ গ’লৰক্ষকৰ বঁটা লাভ কৰে ডায়মণ্ড ক্লাবৰ ৰঞ্জন বিকাশ দাসে।
জিলাখনৰ মুঠ ১২ টা দলে অংশগ্ৰহণ কৰা প্ৰতিযোগিতাখনৰ আজিৰ চূড়ান্ত খেলখন উদ্বোধন কৰে বৰপেটাৰ বিধায়ক গুণীন্দ্ৰ নাথ দাসে।
