১৫ ছেপ্টেম্বৰৰ পৰা ২ অক্টোবৰৰ লৈকে সমগ্ৰ দেশতে চলি থকা ‘স্বচ্চতাই সেৱা’ অভিযানৰ অংশ হিচাপে বুধবাৰে কোকৰাঝাৰ চহৰৰ শালাকাটি মাৰ্কেট বজাৰত স্থানীয় লোকৰ সহযোগত চাফাই কাৰ্য্যসূচী ৰূপায়ণ কৰা হয়।
কোকৰাঝাৰৰ স্থানীয় লোক আৰু শালাকাটি মাৰ্কেট বজাৰ কমিটিৰ সদস্যসকলে বজাৰ অঞ্চলত চাফাই, জংঘল মুকলি আদি কাৰ্যসূচীৰে এই আঁচনিৰ মুকলি কৰে।
উল্লেখ্য যে স্থানীয় লোকৰ উদ্যোগত বজাৰ চৌহদত ১০ টা ফলৰ পুলি ৰোপন কৰি এই কাৰ্যসূচীৰ সামৰণি পেলায়।
ইফালে বজাৰ চৌহদটো যাতে নিয়মীয়াভাৱে চাফ-চিকুণ হৈ থাকে তাৰ প্ৰতি লক্ষ্য ৰাখি এই কাৰ্যসূচীৰ সময়তে বজাৰৰ ব্যৱসায়ীসকলে বজাৰত ডাষ্টবিন, ঝাড়ু আদি বিতৰণ কৰে।
কোকৰাঝাৰ বজাৰ চৌহদত কালি অনুষ্ঠিত কৰা ‘স্বচ্চতাই সেৱা’ অভিযানত স্বতঃস্ফুৰ্তভাৱে প্ৰায় ২৫০ৰো অধিক স্থানীয় লোকে অংশগ্ৰহণ কৰা দেখা যায়।
