অসম কন্যাই শোভে এমেৰিকান পুৰুষ আলোচনীৰ বেটুপাত

এমেৰিকান বহুৰাষ্ট্ৰীয় পুৰুষ-আলোচনী GQ (পূৰ্বৰ Gentlemen’s Quarterly)ৰ ভাৰতীয় দিজিতেল সংস্কৰণৰ বেটুপাত শোভাইছে অসম কন্যা হিমা দাসে।

পুৰুষৰ জীৱনশৈলী (lifestyle) বিষয়ক বিশ্বখ্যাত আলোচনীখনৰ অক্তোবৰ সংখ্যাৰ বেটুপাতত স্থান দিয়া হৈছে হিমাক।

আলোচনীখনে আগবঢ়োৱা “Young Indian of the Year” সন্মানো শেহতীয়াকৈ হিমালৈ আগবঢ়োৱা হৈছিল।

১৯৩১ চনত নিউ য়ৰ্ক চহৰৰ পৰা প্ৰথম প্ৰকাশ পোৱা এই আলোচনীখনে গ্ৰন্থ, যৌনতা, খাদ্য, চিনে’মা, ফিটনেছ, সংগীত, ক্ৰীড়া, প্ৰযুক্তি আদি বিভিন্ন বিষয় সামৰি পুৰুষৰ জীৱনশৈলী বিষয়ক লেখা প্ৰকাশ কৰে।

Happy to be on the cover page of @gqindia #GQAwards #GQ10 #October2018 #OnStandsNow pic.twitter.com/P27WEUbAtr

— Hima Das (@HimaDas8) October 12, 2018

ক্ৰীড়া, হলিউদৰ লগতে শ্ব’ বিজিনেছৰ বিভিন্ন বিখ্যাত লোকৰ ছবিৰে আলোচনীখনৰ বেটুপাত সজোৱা হয়। ভাৰতকে ধৰি পৃথিৱীৰ ২২ খন দেশৰ পৰা GQ প্ৰকাশিত হয়।

সদ্যসমাপ্ত জাকাৰ্তা এছিয়াদত পদক আৰ্জনৰ পিছতে স্বপ্নৰ দৌৰ আৰম্ভ হোৱা ধিং এক্সপ্ৰে’ছখ্যাত অসমৰ দৌৰবিদগৰাকীয়ে এই বছৰ ভাৰত চৰকাৰৰ অৰ্জুন বঁটাও লাভ কৰিছিল।