কাগজপত্ৰ দেখুৱাব নোৱৰা আৰু বাবেই সদৌ তাই আহোম ছাত্ৰ সন্থা আৰু সদৌ চুতীয়া ছাত্ৰ সন্থাৰ কৰ্মীসকলে সৰ্বমুঠ ৬৪ জন সন্দেহজনক নাগৰিক ধৰি গোলাঘাট আৰক্ষীৰ হাতত গটাই দিয়ে।
পুৱা প্ৰায় ৭-৩০ মান বজাত ছাত্ৰ সংগঠনৰ সদস্যকেইজনে ৩৭নং ৰাষ্ট্ৰীয় ঘাইপথৰ ওপৰত পিকেটিং কৰি থকা সময়ত এই লোককেইজনক আটক কৰে।
সদৌ চুতীয়া ছাত্ৰ সন্থাৰ বোকাখাত শাখাৰ সম্পাদক লাচিত কাকতীয়ে কৈছে, ‘‘বন্ধৰ সময়ত আমি দুখন যাত্ৰীবাহী বাহনক কমাৰগাঁও তিনি আলিত আবদ্ধ কৰে। তাৰ পাছত আমি যাত্ৰীসকলৰ বৃত্তি আৰু বৰ্তমানৰ ঠিকনা বিষয়ক প্ৰশ্ন সোধোঁ কিন্তু বিলেগ বেলেগ উত্তৰ দিয়ে আৰু তেওঁলোকৰ কোনেও অসমীয়া ভাষা বুলি নাপাইছিল। তাৰ পাছতেই তেওঁলোকৰ আচল পৰিচয় সন্দৰ্ভত প্ৰশ্নৰ উদ্ৰেক হয় আৰু তেওঁলোক অবৈধ বাংলাদেশী বুলি সন্দেহ ওপজে। আমি কমাৰগাঁও আৰক্ষী থানাত এখন এজাহাৰ দিও পৰৱৰ্তী অনুসন্ধানৰ বাবে তেওঁলোকক আৰক্ষীৰ হাতত অৰ্পণ কৰোঁ।
কাকতীয়ে কৈছে যে ৰাজ্যখনত অবৈধ বাংলাদেশী নাগৰিক ঘূৰা-ফিৰা কৰি থকাটোৰ এইটোৱেই একমাত্ৰ ঘটনা নহয়। ভাৰত-বাংলাদেশ সীমান্তৰ বেৰ পাৰ হৈ বাংলাদেশৰ পৰা অবৈধভাৱে বাংলাদেশীৰ অনুপ্ৰৱেশ ঘটিয়েই আছে আৰু সীমান্ত ছীল কৰাৰ ক্ষেত্ৰত চৰকাৰ সম্পূৰ্ণভাৱে ব্যৰ্থ হৈছে।
এখন বাছ বিহাৰৰ কাটিহাৰৰ পৰা আনখন বাছ বৰপেটাৰ পৰা আহি আছি আৰু বাছখন শিৱসাগৰৰ ডিমৌ আৰু গোলাঘাটৰ ৰঙামাটিত থকা ইটাভাতীৰ পিনে গৈ আছিল।
গোলাঘাটৰ আৰক্ষী অধীক্ষক মানৱেন্দ্ৰ দেব ৰাইয়ে নৰ্থ ইষ্ট নাওৰ সৈতে হোৱা বাৰ্তালাপত প্ৰকাশ কৰিছে, ‘‘এই ৬৪ জন লোকৰ চিনাকি আৰু ৰাষ্ট্ৰীয়তা প্ৰমাণৰ চেষ্টা কৰি আছোঁ। কাটিহাৰৰ পৰা অহা অধিকাংশ লোকেই আধাৰ কাৰ্ড দেখুৱাবলৈ সক্ষম হৈছে। আমি আনকি বিহাৰ আৰক্ষীৰ সৈতে যোগাযোগ কৰি তেওঁলোকৰ আধাৰ কাৰ্ড পুনৰীক্ষণ কৰি আছোঁ। আনহাতে বৰপেটাৰ পৰা অহা লোকসকলে সন্তোষজনক তথ্যপাতি দেখুৱাব পৰা নাই। সেয়েহে আমি তেওঁলোকক তেওঁলোকৰ ৰাষ্ট্ৰীয়তা প্ৰমাণৰ বাবে প্ৰয়োজনীয় নথি জমা দিয়াৰ বাবে ৩ দিনৰ সময় দিছোঁ।’’ ধৃত লোককেইজনে ৰাষ্ট্ৰীয়তাৰ উপযুক্ত প্ৰমাণ সম্বলিত নথি দেখুৱাব দিব নোৱাৰিলে তেওঁলোকৰ বিৰুদ্ধে আইন অনুসৰি ব্যৱস্থা গ্ৰহণ কৰা হ’ব বুলি আৰক্ষী অধীক্ষক ৰাইয়ে জনাইছে।
