চৰকাৰে ৰাজ্যৰ প্ৰশাসনিক দিশত কেইটামান গুৰুত্বপূৰ্ণ সালসলনি কৰিছে। কেইবাজনো প্ৰশাসনিক বিষয়াৰ দায়িত্বভাৰ ৰদবদল কৰি এই সালসলনি কৰা হৈছে।
ৰাজ্য চৰকাৰৰ জাননীমতে, অতিৰিক্ত মুখ্য সচিব ভি এছ ভাস্কৰক সমবায়, বিজ্ঞান আৰু প্ৰযুক্তি, তথ্য আৰু প্ৰযুক্তি, কৃষি আৰু কৃষি উৎপাদন বিভাগৰ আয়ুক্ত হিচাপে দায়িত্ব প্ৰদান কৰা হয়।
শক্তি আৰু নগৰ উন্নয়ন বিভাগৰ প্ৰধান সচিব নীৰজ বাৰ্মাক তথ্য প্ৰযুক্তি, বিজ্ঞান আৰু প্ৰযুক্তি বিভাগৰো প্ৰধান সচিবৰ অতিৰিক্ত দায়িত্ব দিয়া হৈছে।
ৰাজহ আৰু দুৰ্যোগ প্ৰশমন, সংখ্যালঘু কল্যাণ আৰু উন্নয়ন আৰু পৰ্যটন বিভাগৰ প্ৰধান সচিব তথা অসম ৰাজ্যিক দুৰ্যোগ প্ৰশমন প্ৰাধিকৰণৰ মুখ্য কাৰ্যবাহী বিষয়া ৰাজেশ প্ৰসাদক কৃষি আৰু সমবায় বিভাগৰ লগতে কৃষি উৎপাদন আয়োগৰ প্ৰধান সচিব হিচাপে অতিৰিক্ত দায়িত্ব অৰ্পণ কৰা হৈছে।
ইয়াৰ বিপৰীতে আই এ এছ সিদ্ধাৰ্থ সিঙক পি ডি আৰু এ য়ু আই আই পি (assam urban infrastructure investment program)ৰ সচিবৰ দায়িত্বৰ পৰা ৰেহাই দি উক্ত বিভাগ আই এ এছ বিনোদ ছেছানক অৰ্পণ কৰা হয়। গৃহ আৰু ৰাজনৈতিক বিভাগৰ সচিব তোষেশ্বৰ মুক্তিয়াৰক সংখ্যালঘু কল্যাণ আৰু উন্নয়ন বিভাগৰ সচিব পদলৈ বদলি কৰা হয়। একেদৰে গৃহ আৰু ৰাজনৈতিক আৰু সীমান্ত সুৰক্ষা আৰু উন্নয়ন বিভাগৰ সচিব প্ৰভাতী থাউচেনক পৰ্যটন বিভাগৰ অতিৰিক্ত দায়িত্ব অৰ্পণ কৰা হৈছে।
ইপিনে সূত্ৰটোৰ মতে, অসম অসামৰিক সেৱাৰ তিনিজন বিষয়াক সৰ্বভাৰতীয় প্ৰশাসনিক সেৱালৈ পদোন্নতি দিয়া হৈছে। তেওঁলোক হ’ল এ চি এছ আটিকা চুলতানা, মজনুৰ হুছেইন আৰু ড০ দীপক মজুমদাৰক অসম-মেঘালয় কেডাৰৰ আই এ এছলৈ পদোন্নতি প্ৰদান কৰা হয়।
