আন্তঃৰাষ্ট্ৰীয় সন্মান লাভ কৰি অসম তথা ভাৰতবৰ্ষলৈ গৌৰৱ কঢ়িয়াই আনিবলৈ সক্ষম হৈছে যোৰহাটৰ ড° অৰ্চনা ভট্টাচাৰ্যই৷
উল্লেখযোগ্য যে শ্ৰীলংকাৰ কলম্বোত অলপতে অনুষ্ঠিত দ্বিতীয় International Youth Summit ৰ অংশ হিচাপে International Youth Committee (IYC)ৰ তৰফৰ পৰা শিক্ষাবিদ তথা সমাজকৰ্মী গৰাকীক জীৱনজোৰা সাধনা বঁটা প্ৰদান কৰা হয়। এই বঁটা প্ৰদান কৰে (IYC)ৰ সভাপতি জয়ন্ত পাত্ৰই।
উক্ত অনুষ্ঠানতে ভট্টাচাৰ্যই “Youth as a vehicle for social transformation” শীৰ্ষক বক্তৃতা প্ৰদান কৰে। ছাৰ্কৰ ৮খন সদস্য ৰাষ্ট্ৰৰ প্ৰতিনিধি, UNESCO ৰ প্ৰতিনিধি, ১০০খন দেশৰ ৬০০ জন যুৱ প্ৰতিনিধিৰ উপস্থিতিত অনুষ্ঠিত এই summit ত ভাৰতৰ অন্যতম প্ৰতিনিধি আছিল ড° অৰ্চনা ভট্টাচাৰ্য৷
তিনিদিনীয়া উক্ত অনুষ্ঠানৰ শেষত South Asian Women Commission গঠন কৰা হয়৷সভাখন সভাপতিত্ব কৰিছিল ড° অৰ্চনা ভট্টাচাৰ্য৷ বিভিন্ন সামাজিক ক্ষেত্ৰখনৰ লগত জড়িত, আৰ্তসকলৰ বাবে ভিন্ন সময়ত সহায়ৰ হাত আগবঢ়োৱা ভট্টাচাৰ্যই বৰ্তমান কাকজান মহাবিদ্যালয়ৰ উপাধ্যক্ষাৰ দায়িত্ব গ্ৰহণ কৰি আছে৷
