কলিয়াবৰৰ নলতলিত আজি এঘৰ মানুহৰ ঘৰৰ বাৰীৰ পৰা এডাল প্ৰকাণ্ড আকাৰৰ অজগৰ সাপ উদ্ধাৰ কৰা হয়। প্ৰাপ্ত তথ্য মতে লোক ঘৰৰ বাৰীত প্ৰায় ৫ফুট দীঘল অজগৰ সাপটোৱে বিচৰণ কৰি থকা দেখা পায় স্থানীয় ৰাইজে লগে লগে কলিয়াবৰৰ শিলঘাটৰ প্ৰকৃতিপ্ৰেমী যুৱক সঞ্জীৱ ডেকাক খবৰ দিয়ে।
খবৰ পোৱা মাত্ৰকে সঞ্জীৱ ডেকা ঘটনাস্থলীত উপস্থিত হৈ দক্ষতাৰে অজগৰ সাপ ডাল উদ্ধাৰ কৰি পিছত কলিয়াবৰৰ শিলঘাটৰ কামাখ্যা পাহাৰত বনবিভাগৰ সহযোগত মুক্ত বিচৰণৰ বাবে মোকোলাই দিয়ে।
উল্লেথযোগ্য যে সঞ্জীৱ ডেকাই ইয়াৰ আগতেও কলিয়াবৰৰ বিভিন্ন প্ৰান্তত বহুতো থলুৱা তথা বিৰল প্ৰজাতিৰ বিভিন্ন ধৰণৰ সাপ উদ্ধাৰ কৰি অঞ্চলটোৰ বাসীন্দাসকলৰ লগতে পশু-পক্ষীক বিপদৰ পৰা ৰক্ষা কৰি আহিছে।
তেওঁ এতিয়ালৈকে প্ৰায় ষাঠি ডালতকৈও অধিক অজগৰ আৰু বিভিন্ন ধৰণৰ সাপ মিলাই প্ৰায় ১৫০ ৰো অধিক সাপ উদ্ধাৰ কৰিছে বুলি আমাক জানিব দিছে।
