বগীবিল দলং উদ্বোধনৰ লগে লগে এটা যুগৰ অৱসান ঘটিল । ফেৰীৰে ব্ৰহ্মপুত্ৰ পাৰ হোৱা যুগৰ অৱসান ঘটি আৰম্ভ হ’ল বাছেৰে মাজুলী-ডিব্ৰুগড় পোনপটীয়া যাতায়াতৰ যুগ।
আজিৰে পৰা মাজুলী-ডিব্ৰুগড় পোনপটীয়া বাছ সেৱা আৰম্ভ কৰিলে অসম ৰাজ্যিক পৰিবহণ নিগমে। কমলাবাৰীৰ পৰা ফুলনি চাৰিআলিৰ মাজেৰে বাছ খন বগীবিল দলং হৈ ডিব্ৰুগড়লৈ যাব ।
ইয়াৰ পূৰ্বে ফেৰীৰে পাৰ হৈ চিকিৎসাৰ বাবে দৈনিক ২০ ৰ পৰা ৩০ গৰাকী মাজুলীবাসী ডিব্ৰুগড়লৈ যাব লগীয়া হছিল। এই দুৰ্বিষহ পৰিস্থিতি আজিৰে পৰা নাইকীয়া হ’ল।
অসম ৰাজ্যিক পৰিবহণ নিগমে আজিৰ পৰা আৰম্ভ কৰা বাছ সেৱাৰ বৰ্তমান সময় সূচী অনুসৰি এখন বাছ মাজুলীৰ পৰা পুৱা ৫:৩০ ডিব্ৰুগড়লৈ যাত্ৰা কৰিছে। অৱশ্যে ঘূৰি অহাৰ সময় নিৰ্ধাৰণ হোৱা নাই যদিও বিয়লি ২-০০ বজাৰ ভিতৰত মাজুলী আহি পাব বুলি ধাৰণা কৰা হৈছে।
এতিয়াৰে পৰা অহা-যোৱাত মাত্ৰ ৩০০.০০ টকা ব্যয় কৰিয়েই দিনটোৰ ভিতৰতে ডিব্ৰুগড় পৰা চিকিৎসা কৰাই ঘূৰি আহিব পাৰিব পাৰিব মাজুলীবাসী । মাজুলীবাসীৰ বাবে নিশ্চিত ভাৱে এয়া শুভ-সংবাদ। এই বাছসেৱা চলাচল কৰোৱাৰ বাবে চৰকাৰী পক্ষক আন্তৰিক কৃতজ্ঞতা জ্ঞাপন কৰিছে মাজুলীবাসী ৰাইজে।
