”এআইইউডিএফ দলৰ প্ৰতীক-চিহ্ন হৈছে তলা চাবি।আজমল ছাহাবে সেই তলা চাবি ব্যৱহাৰ কৰক নিজৰ মূখ্য কাৰ্যালয়ত। কাৰণ সাধাৰণ জ্ঞান নথকা, শিষ্টাচাৰবিহীন লোক এজনৰ গাত মানুহক নেতৃত্ব দিব পৰা ক্ষমতা অথবা গুণ নাই। তেওঁৰ নেতৃত্ব অসমৰ ৰাইজে কেতিয়াও মানি নলয়।নিজৰ ৰাজনৈতিক জীৱনত হোৱা গৰাখহনীয়াৰ পাছত এতিয়া হতাশাত ভূগি তলা চাবিৰ মূৰব্বী গৰাকীয়ে নিজৰ হিতাহিত জ্ঞান হেৰুৱাই গণতন্ত্ৰৰ চতুৰ্থ স্তম্ভক আক্ৰমণৰ লক্ষ্য কৰি লৈছে।” এই উক্তি এগৰাকী সাংবাদিকৰ
সেয়েহে সাংসদ তথা এআইইউডিএফৰ নেতা বদৰুদ্দিন আজমলে সাংবাদিকৰ প্ৰতি কৰা অভদ্ৰ আচৰণৰ প্ৰতিবাদত বিশ্বনাথৰ সমূহ সাংবাদিক তথা জাতীয় দল সংগঠনে তেওঁৰ বিৰুদ্ধে প্ৰতিবাদ সাব্যস্ত কৰে। বিশ্বনাথৰ সাংবাদিক আৰু জাতীয় দল সংগঠনে সাধাৰু নৈত আজমৰ প্ৰতিকৃতি বিসৰ্জন কৰি আজমলৰ বিৰুদ্ধে প্ৰতিবাদ জনায়। প্ৰতিবাদকাৰী সকলৰ দাবী যে অতি শীঘ্ৰে বদৰুদ্দিন আজমলক গ্ৰেপ্তাৰ কৰি উপযুক্ত শাস্তি পোৱাৰ ব্যৱস্থা কৰিব লাগে।
ইতিমধ্যে, বিশ্বনাথৰ সমগ্ৰ সাংবাদিকে জনাই দিছে যে তেওঁলোকে এআইইউডিএফ দলৰ সকলো ধৰণৰ বাতৰি বৰ্জন কৰাৰ সিদ্ধান্ত গ্ৰহণ কৰিছে। এই প্ৰতিবাদৰ জৰিয়তে আজমল তথা আজমলৰ এআইয়ুডিএফ দলক আজিৰ পৰা বিসৰ্জন দিছে বিশ্বনাথৰ সাংবাদিকসকলে।
