ডিফুৰ জৱাহৰ নৱোদয় বিদ্যালয়ৰ অধ্যক্ষৰ বিৰুদ্ধে যৌন নিৰ্যাতনৰ অভিযোগ উত্থাপিত হৈছে। ইতিমধ্যে ডিফু আৰক্ষীয়ে অধ্যক্ষগৰাকীক আটক কৰিছে।
উল্লেখযোগ্য যে ডিফুৰ জৱাহৰ নৱোদয় বিদ্যালয়ৰ অধ্যক্ষ ৰাজেন্দ্ৰ কুমাৰৰ বিৰুদ্ধে বিদ্যালয়খনৰে এগাৰকী শিক্ষয়িত্ৰীয়ে যৌন নিৰ্যাতনৰ অভিযোগ উত্থাপন কৰিছে। যোৱা ৩ মাৰ্চত ছাত্ৰী নিৱাসৰ অধীক্ষকৰ দায়িত্বত থকা শিক্ষয়িত্ৰী গৰাকীক নিশা অধ্যক্ষ গৰাকীয়ে নিজৰ কোঠালৈ মাতি নি যৌন নিৰ্যাতনৰ চেষ্টা চলোৱা বুলি অভিযোগ তোলে।
পিছত ঘটনা সন্দৰ্ভত শিক্ষয়িত্ৰীগৰাকীয়ে ডিফু সদৰ আৰক্ষী থানাত এজাহাৰ দাখিল কৰে। ইফালে জিলা উপায়ুক্তই বিষয়টোৰ ওপৰত এক দণ্ডাধীশ পৰ্যায়ৰ তদন্ত ঘোষণা কৰে।
আৰক্ষীয়ে অধ্যক্ষ ৰাজেন্দ্ৰ কুমাৰক আটক কৰি ঘটনা সন্দৰ্ভত সোধা-পোছা অব্যাহত ৰখাৰ বিপৰীতে অধ্যক্ষগৰাকীয়ে শিক্ষয়িত্ৰী গৰাকীয়ে তোলা অভিযোগ অস্বীকাৰ কৰিছে।
