সৌন্দৰ্য্য সামগ্ৰীৰ দেশৰ ভিতৰতে অন্যতম বৃ্হৎ খুচুৰা বিক্ৰেতা নাইকাই গুৱাহাটীত প্ৰথমবাৰৰ বাবে নাইকা বীউটি বাৰ আয়োজন কৰিছে। নাইকা বীউটি বাৰ হ’ল এক আলোচনা অনুষ্ঠান য’ত ভাৰতৰ উপৰি বিশ্বৰ বিভিন্ন প্ৰান্তৰ আগশাৰীৰ সৌন্দৰ্য্য ব্ৰেণ্ডসমূহৰ সৈতে গ্ৰাহকসকলে প্ৰত্যক্ষভাৱে ভাব বিনিময় কৰিব পাৰে।
সৌন্দৰ্য্য আৰু জীৱনশৈলীৰ জনপ্ৰিয় য়ু টিউবাৰ দেবশ্ৰী বেনাৰ্জি উপস্থিত থকা এই নাইকা বীউটি বাৰ অনুষ্ঠিত হৈছিল গুৱাহাটীৰ তাজ ৱিৱান্তাত।
উদ্যোগী মহিলা ফাল্গুনি নায়াৰে এই সৌন্দৰ্য্য ব্ৰেণ্ডটো প্ৰতিষ্ঠা কৰিছিল। ভাৰতৰ কেইখনমান চহৰত বিপনী থকাৰ লগতে নাইকাৰ এক অনলাইন বিপনীও আছে।
জানিব পৰা মতে নাইকাৰ ৭% গ্ৰাহক উত্তৰ-পূৰ্বাঞ্চলৰ। নাইকাই অতি সোনকালেই গুৱাহাটীত ইয়াৰ বিপনী মুকলি কৰাৰ পৰিকল্পনা কৰিছে।
