বৰপেটা লোকসভা সমষ্টিৰ অন্তৰ্গত সৰুক্ষেত্ৰী বিধানসভা সমষ্টিৰ বৰমাৰাত দেওবাৰে অৰ্থাৎ ২১ এপ্ৰিলত কংগ্ৰেছৰ অন্তিমখন নিৰ্বাচনী সভা অনুষ্ঠিত হৈ যায়।এই নিৰ্বাচনী সভাত ৬নং বৰপেটা লোকসভা সমষ্টিৰ কংগ্ৰেছ প্ৰাৰ্থী আব্দুল খালেকে অন্তিম নিৰ্বাচনী প্ৰচাৰ চলাই বিজেপি চৰকাৰৰ স্বেচ্ছাচাৰিতাৰ কথা উল্লেখ কৰি তীব্ৰ সমালোচনা কৰে।
আব্দুল খালেকে এ আই ইউ ডি এফৰ সভাপতি বদৰুদ্দিন আজমলকো তীব্ৰ সমালোচনা কৰি কয় যে আজমলৰ ৰিম’ৰ্ট কণ্ট্ৰল হিমন্ত বিশ্ব শৰ্মাৰ হাতত আছে। হিমন্তই যিদৰে কয় সেইদৰে বদৰুদ্দিন আজমলে সকলো কাম কৰে।
তাৰোপৰি খালেকে অগপ দলকো ভ্ৰষ্টাচাৰী দল বুলি উল্লেখ কৰি কয় যে অগপ দলে চহিদৰ তেজৰ বিনিময়ত চৰকাৰ গঠন কৰি চহিদৰ নামত একোৱেই নকৰিলে। লগতে খালেকে সাংসদ নিৰ্বাচিত হ’লে সৰ্থেবাৰীৰ কাঁহ-পিতলৰ শিল্প, কয়াকুছিৰ ঢাৰি শিল্প সংৰক্ষণ আৰু উন্নয়নৰ বাবে ব্যৱস্থা গ্ৰহণ কৰিব বুলিও ভাষণৰ জৰিয়তে উল্লেখ কৰে।
