দুটাকৈ লোকসভা সমষ্টি ক্ৰমে কোকৰাঝা আৰু ধুবুৰীৰ ৭ ভোটকেন্দ্ৰত আজি পুনৰ ভোটগ্ৰহণ প্ৰক্ৰিয়া আৰম্ভ হৈছে। ইয়াৰে কোকৰাঝাৰ লোকসভা সমষ্টিৰ অন্তৰ্গত বিজনী বিধানসভাৰ ৩৩ আৰু ৩৪ নং ভোটগ্ৰহণ কেন্দ্ৰত আজি পুনৰ ভোটগ্ৰহণ প্ৰক্ৰিয়া আৰম্ভ হৈছে। ৩৩ নং ভোট কেন্দ্ৰত ৬০০ জন ভোটাৰ থকাৰ বিপৰীতে ৩৪ নং ভোটকেন্দ্ৰত ৫৮২ জন ভোটাৰ আছে।
আনহাতে ধুবুৰী লোকসভা সমষ্টিৰ মানকাছাৰ জিলাৰ ১৬৭ নং বাউছকাটা এম ই মাদ্ৰাছা ভোটগ্ৰহণ কেন্দ্ৰ, দক্ষিণ শালমৰাৰ ২২ নং কাটলিপাৰা এম ই মাদ্ৰাছা ভোট গ্ৰহণ কেন্দ্ৰ আৰু ২১৯ নং লাখুৱা এল পি স্কুল, ধুবুৰীৰ ১৩ নং বাণী বিদ্যা মন্দিৰ এল পি স্কুল আৰু গোলকগঞ্জৰ ২৩২ নং নৱ ভাৰত পাঠশানা হাইস্কুলত পুনৰ ভোটগ্ৰহণ চলিছে।
মুখ্য নিৰ্বাচনী বিষয়াই জনোৱা অনুসৰি দিনৰ ১১ বজালৈকে সমষ্টি কেইটাত হোৱা ভোটগ্ৰহণ প্ৰক্ৰিয়া তলত উল্লেখ কৰা ধৰণৰ
বিজনী (৩৩নং ভোটকেন্দ্ৰ) : ৫০ শতাংশ
ধুবুৰী (২৩নং ভোটকেন্দ্ৰ) ৩১ শতাংশ
গোলকগঞ্জ : ৪০ শতাংশ।
