পশ্চিম কাৰ্বি আংলং জিলাৰ বৈঠালাংছোত আজি আৰক্ষী আৰু ৩নং শিখ ৰেজিমেণ্টে এক যৌথ অভিযান চলাই য়ুনাইটেড কাৰ্বি লিবাৰেশ্যন আৰ্মি (য়ু কে এল এ) নামৰ উগ্ৰপন্থী গোটৰ এজন সদস্যক আটক কৰে।
আটকাধীন উগ্ৰপন্থীজনক কাৰ্বি পিপোলচ লিবাৰেশ্যন টাইগাৰ্ছ (কে পি এল টি)ৰ প্ৰাক্তন কেডাৰ ছাৰচিং ৰংপি ওৰফে আৰ্লক বুলি চিনাক্ত কৰা হৈছে। তেওঁ ডকমকা আৰক্ষী থানাৰ অন্তৰ্গত এংলংকিৰি তেৰাং গাঁৱৰ লংকি ৰংপিৰ পুত্ৰ।
চৱাইলাংছু ৰংকিমি বিৰ তিছ’ গাঁৱৰ পৰা আটক কৰা কেডাৰজনৰ কবলৰ পৰা এটা .২২ পিষ্টল, ৪ জাঁই সক্ৰিয় গুলী আৰু ১টা মোবাইল উদ্ধাৰ কৰা হয় বুলি আৰক্ষীৰ এক সূত্ৰই জানিবলৈ দিয়ে।
আৰক্ষীয়ে জনোৱা মতে তেওঁ পশ্চিম কাৰ্বি আংলঙৰ হামৰেনৰ ভূমি সংৰক্ষণ বিভাগৰ এগৰাকী বিষয়াৰ পৰা ধন দাবী কৰি আহিছিল। বিষয়াগৰাকীয়ে এইসম্পৰ্কত আৰক্ষীক খবৰ দিয়াৰ পিছতে আজি অভিযান চলাই তেওঁক আটক কৰা হয়।
