শিৱসাগৰ চহৰৰ মিলন মন্দিৰত মাৰোৱাৰী যুৱ মঞ্চ শিৱসাগৰ শাখা, প্ৰগতি শাখা আৰু শ্ৰী মাৰোৱাৰী পঞ্চায়ত জনদতব্য সমিতিয়ে জনসাধাৰণৰ সুবিধাৰ প্ৰতি লক্ষ্য ৰাখি অহা ৯ জুনত কেন্সাৰ ৰোগ পৰীক্ষা আৰু সজাগতা শিবিৰৰ আয়োজন কৰিছে।
পুৱা ৯ বজাৰ পৰা আবেলি ৪ বজালৈ অনুষ্ঠিত হ’বলগীয়া উক্ত শিবিৰত মুখমণ্ডলৰ কেন্সাৰ, হাওঁফাওঁ কেন্সাৰ, স্তন কেন্সাৰ, ডিঙিৰ কেন্সাৰকে ধৰি ভালেকেইটা কেন্সাৰৰ বিনামূলীয়া পৰীক্ষা কৰা হ’ব। এখন বিশেষ অত্যাধুনিক বাহনত সংযোজিত হৈ থকা কেন্সাৰ স্কেনিং চেণ্টাৰত অতি কম সময়তে ৰোগীসকলক এক্সৰে, মামগ্ৰাফী, থ্ৰত এণ্ডছক’পি, অৰেল চেকআপ আদি পৰীক্ষা কৰোৱা হ’ব।
উল্লেখযোগ্য অসমৰ আন আন জিলাৰ তুলনাত শিৱসাগৰ জিলাত কৰ্কট ৰোগীৰ সংখ্যা দিনক-দিনে বৃদ্ধি পাইছে। এনে পৰিস্থিতিত মাৰোৱাৰী যুৱ মঞ্চ শিৱসাগৰ শাখা, প্ৰগতি শাখা আৰু শ্ৰী মাৰোৱাৰী পঞ্চায়ত জনদতব্য সমিতিয়ে গ্ৰহণ কৰা উক্ত পদক্ষেপক জনসাধাৰণে শলাগ লৈছে।
বিগত বৰ্ষত অনুষ্ঠিত হোৱা একেধৰণৰ বিনামূলীয়া স্বাস্থ্য পৰীক্ষা শিবিৰত স্বেচ্ছাসেৱী অনুষ্ঠানকেইটাই কেইবা শতাধিক লোকক উপকৃত কৰিছিল। কেন্সাৰ ৰোগৰ চিকিৎসাৰ বাবে আগতীয়াকৈ পঞ্জীয়ন কৰিবলৈ বা সবিশেষ জানিবলৈ ৯৪৩৫০৫৫৪২৩, ৯৪৩৫১৫৫৩৮৮, ৯৯৫৪৪৭৪৬৫৪ আৰু ৮৮৭৬৯৮৫৬৯৯ নম্বৰত যোগাযোগ কৰিবলৈ সভাপতি চম্পালাল আগৰৱালা, সম্পাদক ঋষভ আগৰৱালা, উপদেষ্টা হেমন্ত কেজিৰৱাল আৰু যুটীয়া সম্পাদক পৱন কেজৰিৱাল, বিনিত আগৰৱালাই আহ্বান জনাইছে।
