দেশৰ ৰাজধানীত বৃহস্পতিবাৰে তাপমাত্ৰা ৪৫ ডিগ্ৰী ছেলছিয়ালৈ বৃদ্ধি পোৱাৰ ফলত গ্ৰীষ্মৰ দহনত বাসিন্দাসকল লবেজান হৈ পৰাৰ বিপৰীতে অসম তথা উত্তৰ-পূৰ্বাঞ্চলৰ ৰাজ্যসমূহত অহা তিনি-চাৰিদিনলৈ বতৰ ঠাণ্ডা হৈ থাকিব।
ভাৰতীয় বতৰ বিজ্ঞান বিভাগে জানিব দিয়ে যে অসম তথা উত্তৰ-পূৰ্বাঞ্চলৰ ৰাজ্যসমূহত আগন্তুক ৯৬ ঘন্টাত ধাৰাসাৰ বৰষুণ হোৱাৰ সম্ভাৱনা আছে।
ভাৰতীয় বতৰ বিজ্ঞান বিভাগে জানিবলৈ দিয়া মতে শুকুৰবাৰে নাগালেণ্ড, মণিপুৰ, মিজোৰাম আৰু ত্ৰিপুৰাৰ বিভিন্ন স্থানত প্ৰবলৰ পৰা প্ৰবলতৰ বৰষুণ হোৱাৰ সম্ভাৱনা আছে।
Indian Meteorological Department: Heavy to very heavy rainfall expected today at isolated places likely over Nagaland, Manipur, Mizoram & Tripura. Heavy rainfall at isolated places likely over Assam,Meghalaya, Kerala and Gangetic West Bengal pic.twitter.com/XUofgMwQLx
— ANI (@ANI) June 7, 2019
একেসময়তে, শুকুৰবাৰে অসম আৰু মেঘালয়ৰ বিভিন্ন স্থানত ধাৰাসাৰ বৰষুণ হোৱাৰ সম্ভাৱনা সদৰী কৰিছে ভাৰতীয় বতৰ বিজ্ঞান বিভাগে।
ভাৰতীয় বতৰ বিজ্ঞান বিভাগে লগতে জনায় যে শনিবাৰে, অসম আৰু মেঘালয়ৰ ঠায়ে ঠায়ে বিজুলী ঢেৰেকনিৰে বৰষুণ হ’ব। এই সময়ছোৱাত অসম, মেঘালয়, নাগালেণ্ড, মণিপুৰ, মিজোৰাম আৰু ত্ৰিপুৰাৰ বিভিন্ন স্থানত প্ৰবল ধাৰাসাৰ বৃষ্টিপাত হোৱাৰ সম্ভাৱনা আছে।
ভাৰতীয় বতৰ বিজ্ঞান বিভাগৰ আগলি বতৰা অনুসৰি ৯ জুনত অৰুণাচল প্ৰদেশ, অসম, মেঘালয়, নাগালেণ্ড, মণিপুৰ, মিজোৰাম আৰু ত্ৰিপুৰাৰ বিভিন্ন স্থানত ধাৰাসাৰ বৰষুণ হোৱাৰ সম্ভাৱনা আছে।
সেইদৰে, ১০ জুনত অসম আৰু মেঘালয়ৰ বিভিন্ন স্থানত ধাৰাসাৰ বৰষুণ অহাৰ সম্ভাৱনা ব্যক্ত কৰিছে ভাৰতীয় বতৰ বিজ্ঞান বিভাগে।
