সদৌ অসম কাবাদী সন্থাৰ কাৰ্যনিৰ্বাহক সমিতিৰ এখন জৰুৰী সভা অহা চাৰি ফেব্ৰুৱাৰীত আহ্বান কৰা হৈছে।
সদৌ অসম কাবাদী সন্থাৰ বিষয়ববীয়াসকলে জনোৱা অনুসৰি, গুৱাহাটীৰ আৰ জি বৰুৱা ক্ৰীড়া প্ৰকল্পৰ দেশভক্ত তৰুণৰাম ফুকন ইণ্ড’ৰ হলৰ সভাগৃহত উক্ত সভা অনুষ্ঠিত হ’ব।
চাৰি ফেব্ৰুৱাৰিৰ দিনৰ দহ বজাৰ পৰা আৰম্ভ হ’ব লগা সভাত কেবাটাও বিষয় সন্দৰ্ভত আলোচনা কৰা হ’ব সন্থাই জানিবলৈ দিয়ে।
বিশেষকৈ অলপতে অনুষ্ঠিত হৈ যোৱা অসম প্ৰিমিয়াৰ কাবাদী লীগৰ পৰ্যালোচনাকে ধৰি আন্তঃজিলা প্ৰতিযোগিতাৰ স্থান আৰু তাৰিখ নিৰ্দ্ধাৰণ সম্পৰ্কে আলোচনা কৰা হ’ব।
কাৰ্যনিৰ্বাহক সভাত সন্থাৰ সকলো বিষয়ববীয়া আৰু সদস্যক উপস্থিত থাকিবলৈ সদৌ অসম কাবাদী সন্থাৰ বিষয়ববীয়াসকলে আহ্বান জনাইছে।
