অলপতে বলীউদৰ অভিনেত্ৰী সমীৰা ৰেড্ডীয়ে অসমৰ কাজিৰঙা ৰাষ্ট্ৰীয় উদ্যান ভ্ৰমণ কৰি যায়।
অভিনেত্ৰীগৰাকীয়ে তেওঁৰ বন্ধুবৰ্গৰ সৈতে ৰাষ্ট্ৰীয় উদ্যানখনৰ প্ৰাকৃতিক সৌন্দৰ্য উপভোগ কৰা দেখা গৈছিল।
উদ্যান কৰ্তৃপক্ষই ৰেড্ডী আৰু তেওঁৰ বন্ধুবৰ্গক এক অৱিস্মৰণীয় অভিজ্ঞতাৰ সুযোগ আগবঢ়াইছিল যিটো তেওঁ নিজৰ ফেচবুক পেজত অতি উল্লেখনীয় তথা পাহৰিব নোৱাৰা অভিজ্ঞতা বুলি বৰ্ণনা কৰিছে।
ৰেড্ডীয়ে তেওঁৰ ফেচবুক পেজত লিখিছে যে ইয়াৰ প্ৰাকৃতিক বাসিন্দা এশিঙীয়া গঁড় চাবলৈ তথা চৌপাশে থকা অসমৰ জৈৱ বৈচিত্ৰ্যৰ নান্দনিক অভিজ্ঞতা ল’বলৈ ৰাষ্ট্ৰীয় উদ্যানখনত হাতীত ভ্ৰমণ কৰাৰ বাবে তেওঁলোকক অনুমতি দিছিল।
উদ্যান কৰ্তৃপক্ষই তেওঁৰ বাবে ব্ৰহ্মপুত্ৰত নাও চালনাৰো আয়োজন কৰিছিল। তেওঁ এই অনৱদ্য অভিজ্ঞতাৰ ফটোসমূহ বিভিন্ন সামাজিক গণ মাধ্যমৰ জৰিয়তে প্ৰকাশ কৰিছে।
গোটেই দেশতে পৰ্যটকৰ এক আকৰ্ষণৰ কেন্দ্ৰ হিচাপে অসমক প্ৰতিষ্ঠা কৰাৰ বাবে অসম পৰ্যটন বিভাগে সকলো ধৰণৰ প্ৰচেষ্টা অব্যাহত ৰখাৰ সময়তে অভিনেত্ৰী গৰাকীৰ এই ভ্ৰমণে আন এক মাত্ৰা প্ৰদান কৰিছে।
কেইবাখনো বলীউদৰ চলচ্চিত্ৰত অভিনয় কৰা জনপ্ৰিয় অভিনত্ৰী সমীৰাই তামিল, তেলেুগু আৰু মালায়লম চলচ্চিত্ৰতো অভিনয় কৰিছে।
