অসমকে ধৰি উত্তৰ-পূবৰ প্ৰায় কেইখন ৰাজ্যত আজিৰে পৰা অহা ৩ দিন প্ৰবল বৰষুণ পৰাৰ আগজাননী দিছে ভাৰত বতৰ বিজ্ঞান কেন্দ্ৰই।
বতৰ বিজ্ঞান বিভাগে আজি এক জাননী যোগে এই কথা প্ৰকাশ কৰিছে।
উল্লেখযোগ্য যে উজনি অসমৰ প্ৰায়কেইখন জিলাত যোৱা কিছুদিনৰ পৰা বতৰ বেয়া হৈ থকাৰ লগতে ঠায়ে ঠায়ে নেৰানেপেৰা বৰষুণ হৈ আছে।
একেদৰে মেঘালয়, অৰুণাচল প্ৰদেশ, নাগালেণ্ড, মণিপুৰ, মিজোৰাম আৰু ত্ৰিপুৰাৰ বিভিন্ন প্ৰান্তত ধাৰাসাৰ বৰষুণ আৰম্ভ হৈছে।
বতৰ বিজ্ঞান কেন্দ্ৰই জাৰি কৰা সতৰ্কতা অনুসৰি অহা ৩ আগষ্ট লৈকে উত্তৰ-পূবৰ ৰাজ্য কেইখনৰ ঠাই বিশেষে প্ৰৱল বৃষ্টিপাত হোৱাৰ আছে পূৰ্ণ সম্ভাৱনা।
