দেশৰ একমাত্র চৰকাৰী টেলিকম প্ৰতিষ্ঠান ভাৰত সঞ্চাৰ নিগম লিমিটেড চমুকৈ BSNLক বন্ধ কৰিবলৈ পৰামৰ্শ দিছে বিত্ত মন্ত্ৰণালয়ে।
Financial Expressত প্ৰকাশিত বাতৰি মতে BSNLৰ লগতে আৰু এটা চৰকাৰী প্ৰতিষ্ঠান মহানগৰ টেলিফোন নিগম লিমিটেড (MTNL)কো বিত্ত মন্ত্ৰণালয়ে বন্ধ কৰিবলৈ পৰামৰ্শ দিছে।
সংবাদপত্ৰ খনে এক সূত্ৰৰ উদ্ধৃতি দি কয় যে PSU (ৰাজহুৱা খণ্ডৰ প্ৰতিষ্ঠান) দুটা বন্ধ কৰি দিলে ডিপাৰ্টমেণ্ট অব টেলী কম্যুনিকেচন (DOT)-এ কোৱাৰ দৰে ইয়াৰ খৰচ ৯৫,০০০ কোটি টকা নপৰেগৈ।
উল্লেখযোগ্য যে Financial Expressত পূৰ্বে প্ৰকাশ পোৱা এক বাতৰি মতে BSNL আৰু MTNLক বিপদৰ পৰা বচাবলৈ (DOT)-এ কেদ্ৰীয় চকাৰৰ ওচৰত ৭৪,০০০ কোটি টকাৰ এক ‘বেইল আউট পেকেজ’ৰ প্ৰস্তাব আগ বঢ়াইছিল। কিন্তু কেন্দ্ৰীয় বিত্ত মন্ত্ৰীয়ে ইয়াক নাকচ কৰিছিল।
৭৪,০০০ কোটি টকাৰ পেকেজৰ প্ৰস্তাৱ আগবঢ়াই DOT-এ যুক্তি দিছিল যে যদিহে BSNLক বন্ধ কৰি দিয়া হয় তেন্তে চৰকাৰে প্ৰতিষ্ঠানটোৰ কৰ্মচাৰীসকলক দিবলগীয়া স্বেচ্ছা অৱসৰ আঁচনিৰ (voluntary retirement scheme,VRS) অধীনত ৯৫,০০০ কোটি টকাৰ খৰচ ভৰিব লাগিব।
BSNLৰ বৰ্তমান কৰ্মচাৰীৰ সংখ্যা হৈছে ১.৭৬ লাখ।
সংবাদপত্ৰখনত প্ৰকাশ পোৱা অনুসৰি চৰকাৰে দুয়োটা ৰাজহুৱা খণ্ডৰ প্ৰতিষ্ঠানকে তেওঁলোকৰ কৰ্মচাৰীৰ সংখ্যা নিৰ্ণয় কৰিবলৈ কৈছে।