অবৈধ ড্ৰাগছ জাতীয় সামগ্ৰীৰ বিৰুদ্ধে অভিযান অব্যাহত ৰখা কামৰূপ আৰক্ষীয়ে শুকুৰবাৰে আৱেলি ছয়গাঁৱত ১ কেজি ব্ৰাউন ছুগাৰসহ এজন ড্ৰাগছ সৰবৰাহকাৰীক আটক কৰে।
ছয়গাঁও আৰক্ষী থানাৰ অন্তৰ্গত গুমি পথত থকা এখন হোটেলৰ পৰা আটক কৰা ড্ৰাগছ সৰবৰাহকাৰীজনক মঃ ছাহাবুদ্দিন আহমেদ বুলি চিনাক্ত কৰা হৈছে।
উল্লেখযোগ্য যে যোৱা কেইবা মাহ ধৰি অসম আৰক্ষীয়ে ড্ৰাগছৰ চোৰাং সৰবৰাহৰ বিৰুদ্ধে কেইবাটাও সফল অভিযান চলাই বহুকেইজন ড্ৰাগছ সৰবৰাহকাৰীক গ্ৰেপ্তাৰ কৰিছে।
চলিত বছৰৰ জুনত দিচপুৰ আৰক্ষীয়ে গুৱাহাটীৰ ছয়মাইলত ১০০ গ্ৰাম ব্ৰাউন ছুগাৰসহ এজন ড্ৰাগছ সৰবৰাহকাৰীক গ্ৰেপ্তাৰ কৰিছিল।
নুৰ ইছলাম নামৰ ড্ৰাগছ বেপাৰীজনৰ কবলৰ পৰা আৰক্ষীয়ে হেলমেটৰ ভিতৰত ভৰাই অনা ড্ৰাগছখিনিৰ লগতে ৪টাকৈ মোবাইল ফোন জব্দ কৰিছিল।
তদুপৰি যোৱা আগষ্টতটো আৰক্ষীয়ে অবৈধভাৱে কফ চিৰাপ বিক্ৰি কৰাৰ অভিযোগত দৰং জিলাৰ খাৰুপেটিয়াৰ পৰা এজন ড্ৰাগছ সৰবৰাহকাৰীক গ্ৰেপ্তাৰ কৰিছিল।
