অভিনেত্ৰী অনুষ্কা শৰ্মা আৰু তেওঁৰ স্বামী ক্ৰিকেটাৰ বিৰাট কোহলীয়ে বৰ্তমান ভূটানত অৱসৰ বিনোদনত ব্যস্ত আছে।
ভূটানত মুকলি মনেৰে ভ্ৰমণত ব্যস্ত থকা তাৰকা দুগৰাকীৰ ফটো ছচিয়েল মিডিয়াত ভাইৰেল হৈ পৰিছে।
দুয়োগৰাকীৰে ফটোৰ উপৰি আৰু এটা বিষয়ে চৰ্চা হৈছে আৰু সেইটো হ’ল বিৰাটৰ জন্মদিন।
কাইলৈ অৰ্থাৎ ৫ নৱেম্বৰত বিৰাটৰ জন্মদিন। এনে৭এত্ৰত অনুমান কৰা হৈছে যে অনুষ্কাই ভূটানতে বিৰাটৰ জন্মদিন উদযাপন কৰিব।
ভূটানত অৱসৰ বিনোদনত কটোৱা ফটো অনুষ্কাই তেওঁৰ ইনষ্টাগ্ৰামত শ্বেয়াৰ কৰিছে।
তেওঁ পাচলিৰ বজাৰৰ ফটো তুলি ধৰি লিখিছে:’’পাচলিৰ বজাৰত প্ৰকৃত আনন্দৰ উপলব্ধি হৈছে। শৈশৱৰ স্মৃতি সজীৱ হৈ ধৰা দিছে।‘’
ছচিয়েল মিডিয়াৰ অনুৰাগীৰ পেজত দুয়োৰে কিছুমান ফটো ভাইৰেল হৈছে। ইয়াত অনুষ্কাই গোলাপী ছেটছাৰ্ট, ক’লা ট্ৰেক পেন্ট আৰু পাতল সেউজীয়া টুপী পৰিধান কৰা দেখা যায়।
আনহাতে, বিৰাটক ক’লা ট্ৰেকছ্যুট আৰু টুপীৰে সৈতে দেখা গৈছে। দুযোগৰাকী চেলিব্ৰেটিয়ে ছচিয়েল মিডিয়াত সক্ৰিয় হৈ থকাৰ উপৰি তেওঁলোকৰ অৱসৰ বিনোদনৰ ফটোও শ্বেয়াৰ কৰে।
কামৰ কথা ক’বলৈ গ’লে অনুষ্কাক শেহতীয়াকৈ “জিৰ’ ছবিখনত দেখা গৈছিল। ইয়াত তেওঁ শ্বাহৰুখ খান আৰু কেটৰিনা কাইফৰ সৈতে অভিনয় কৰিছিল।
“জিৰ’ৰ পাছত অনুষ্কাক কোনো নতুন ছবিত দেখিবলৈ পোৱা হোৱা নাই।
