অধিনায়ক ৰোহিত শৰ্মাৰ ৮৫ ৰাণৰ বিস্ফোৰক ইনিংছৰ সহায়ত ভাৰতে বাংলাদেশক দ্বিতীয়খন টী-২০ মেচত ৮ উইকেটত পৰাস্ত কৰিবলৈ সক্ষম হয়।
টীম ইণ্ডিয়াই দ্বিতীয় বাংলাদেশক দ্বিতীয়খন টী-২০ মেচত পৰাস্ত কৰি ৩ খনীয়া টী-২০ ছিৰিজত ১-১ত সমতা স্থাপন কৰে।
বৃহস্পতিবাৰে ৰাজকোটত অনুষ্ঠিত মেচখনত টছত হাৰি প্ৰথমে বেটিং কৰিবলৈ নামি বাংলাদেশে ২০ অভাৰত ৬ উইকেটৰ বিনিময়ত ১৫৩ ৰাণ সংগ্ৰহ কৰিবলৈ সক্ষম হয়।
ভাৰতে বিজয়ৰ বাবে ১৫৪ ৰাণৰ লক্ষ্য অনুসৰণ কৰি ১৬ অভাৰতে লক্ষ্যত উপনীত হয়।
বাংলাদেশে বেটিং কৰিবলৈ নামি সুন্দৰ আৰম্ভণি কৰে আৰু ভাৰতীয় বলাৰক ধাৰাবাহিকভাৱে আক্ৰমণৰ লক্ষ্য কৰি লয়।
কিন্তু অভিজ্ঞ ভাৰতীয় দলটোৱে বাংলাদেশক ২০ অভাৰত ১৫৩ ৰাণত সীমিত ৰাখিবলৈ সক্ষম হয়। ভাৰতে ১৫.৪অভাৰতে দুটা উইকেট হেৰুৱাই এই ৰাণখিনি সংগ্ৰহ কৰে।
ভাৰতৰ অপেনিং যুটী ৰোহিত শৰ্মা আৰু শিখৰ ধাৱানে ১০.৫অভাৰতে ১১৮ ৰাণ সংগ্ৰহ কৰে।
ধাৱানে ২৭টা বল খেলি চাৰিটা বাউণ্ডেৰিৰ সহায়ত ৩১ ৰাণ কৰি আমিনুল ইছলামৰ বলত আউট হয়। ইয়াৰে পাছত সাত ৰাণ যোগ দিয়াৰ সময়তে আমিনুলে ৰোহিতকো বিদায় দিয়ে।
ৰোহিতে ৪৩টা বল খেলি চাৰিটা বাউণ্ডেৰি আৰু চাৰিটা অভাৰ বাউণ্ডেৰিৰ সহায়ত এক আক্ৰমণাত্মক ইনিংছ খেলে।
ৰোহিত আউট হোৱাৰ পাছত বিজয়ৰ বাবে প্ৰয়োজনীয় ৰাণখিনি শ্ৰেয়স আয়াৰ আৰু লোকেশ ৰাহুলে অনায়াসে সংগ্ৰহ কৰে।
আয়াৰে ১৩টা বলত তিনিটা চাৰি আৰু এটা ছয়ৰ সহায়ত ২৪ৰাণ কৰি অপৰাজিত হৈ থাকে। ৰাহুলেও ৮ৰাণ কৰি অপৰাজিত হৈ থাকে।
এতিয়া অহা ১০ নৱেম্বৰত নাগপুৰত ছিৰিজৰ তৃতীয় তথা অন্তিমখন মেচ খেলোৱা হ’ব। এই ছিৰিজটোত ভাৰতীয় দলটোৰ অধিনায়ক হৈছে ৰোহিত শৰ্মা।
