গোৱালপাৰা জিলাত সন্ত্ৰাস সৃষ্টি কৰা বনৰীয়া হাতী লাডেনক ধৰিবলৈ চিকাৰী হাতীসহ জিলাখনত উপস্থিত হৈছে চতিয়াৰ বিধায়ক পদ্ম হাজৰিকা।
লাডেনৰ আক্ৰমণত জিলাখনত বহু লোকে প্ৰাণ হেৰুওৱাৰ পাছত দীৰ্ঘদিন ধৰি অভিযান চলায়ো জিলাখনৰ বন বিভাগে কুখ্যাত বনৰীয়া হাতীটো কাবু কৰাত অসমৰ্থ হবলগীয়া হৈছে।
শুকুৰবাৰে চতিয়াৰ বিধায়ক হজৰিকাই তেওঁৰ চিকাৰী হাতী ৰামুৰ সৈতে গোৱালপাৰাৰ ৰংজুলিত উপস্থিত হয়।
জিলাখনত উপস্থিত হৈ হাজৰিকাই প্ৰথমে ধূপধৰাৰ বন বিভাগৰ আৱৰ্ত ভৱনত বন বিভাগৰ মুৰব্বী বিষয়া সকলৰ সৈতে এখন বৈঠকত মিলিত হয়।
বৈঠকৰ অন্তত বিধায়কগৰাকী লাডেনৰ সন্ধানত তথ্য সংগ্ৰহৰ বাবে কন্যাকুছি বনাঞ্চলত উপস্থিত হয়।
সোমবাৰৰ পৰা চিকাৰী হাতী ৰামুক লগত লৈ পদ্ম হাজৰিকাই লাডেনক বিচাৰি অভিযান আৰম্ভ কৰিব।
এই অভিযান কালত ৰামুক আন চাৰিটা চিকাৰী হাতীয়ে সহয়া কৰিব।
উল্লেখযোগ্য যে, ২৮ অক্টোবৰত গোৱালপাৰা জিলাত বনৰীয়া হাতীৰ আক্ৰমণত তিনিগৰাকী লোকৰ মৃত্যু হৈছিল।
আনহাতে, মুখ্য মন্ত্ৰী সোণোৱালেও বন বিভাগক সন্ত্ৰাস চলোৱা বনৰীয়া হাতীটোক ট্ৰেংকুলাইছ কৰাৰ বাবে নিৰ্দেশ দিছিল।
