তিনিচুকীয়া আৰক্ষী আৰু সেনাৰ যুটীয়া অভিযানত সোমবাৰে তিনিচুকীয়া জিলাত এগৰাকী আলফা স্বাধীনৰ দুৰ্ধৰ্ষ কেডাৰ আটক হয়।
আটক হোৱা আলফা স্বাধীনৰ কেডাৰগৰাকী ধেমাজিৰ নৰোৱাথানৰ দিম্পল বৰুৱা ওৰফে গুদু অসম বুলি চিনাক্ত কৰা হৈছে।
অভিযানকাৰী সেনা-আৰক্ষীৰ দলটোৱে আটকাধীন আলফা স্বাধীনৰ কেডাৰগৰাকীৰ পৰা এটা .২২ পিষ্টল আৰু চাৰিজাই সজীৱ গুলি জব্দ কৰে।
উল্লেখযোগ্য যে, গোপন সূত্ৰৰ পৰা লাভ কৰা খবৰৰ ভিত্তিত সোমবাৰে তিনিচুকীয়া আৰক্ষী আৰু সেনাৰ এটা যুটীয়া দলে আলফা স্বাধীনৰ বিৰুদ্ধে অভিযান আৰম্ভ কৰে আৰু জিলাখনৰ জাগুনৰ টিংকুপানী সংৰক্ষিত বনাঞ্চলৰ পৰা দুৰ্ধৰ্ষ আলফা স্বাধীনৰ কেডাৰ গৰাকীক আটক কৰিবলৈ সক্ষম হয়।
আৰক্ষীৰ সূত্ৰত প্ৰকাশ কৰা অনুসৰি আটকাধীন আলফা স্বাধীনৰ কেডাৰ গৰাকীয়ে অঞ্চলটোত দীৰ্ঘদিনৰ পৰা ধন দাবী আৰু নতুন সদস্য ভৰ্তিৰ কামত নিয়োজিত হৈ আছিল।
