অমিত শ্বাহে সোমবাৰে ভাৰতৰ পৰা প্ৰতিগৰাকী অনুপ্ৰৱেশকাৰীক “বহিষ্কাৰ”ৰ সময়সীমা ঘোষণা কৰিছে।
লগতে পঢ়ক– কাণত মদ ঢালক আৰু মগজ বচাওক: কৰ্নেল ইউনিভাৰ্চিটি ষ্টাডি
প্ৰধান মন্ত্ৰী মোদীৰ বহুচৰ্চিত ’১৪ৰ নিৰ্বাচনী আশ্বাস “১৬ মে’”ৰ বিপৰীতে শ্বাহঘোষিত অন্তিম সীমা হৈছে ২০২৪ চন।
২০২৪ চনত হ’ব লগা দেশৰ সাধাৰণ নিৰ্বাচনৰ পূৰ্বে এই কাম সম্পন্ন কৰা হ’ব আৰু তাৰ বাবে সমগ্ৰ দেশজুৰি কৰা হ’ব এন আৰ চি।
লগতে পঢ়ক– মোদীৰ লক্ষ্য উত্তৰ-পূবত অধিক জাপানী বিনিয়োগ
“আজি মই আপোনালোকক ক’ব খোজো যে ২০২৪ৰ নিৰ্বাচনৰ পূৰ্বে দেশজুৰি এন আৰ চি কৰা হ’ব আৰু প্ৰতিজন অনুপ্ৰৱেশকাৰীক চিনাক্ত আৰু বহিষ্কাৰ কৰা হ’ব,” আগন্তুক ঝাৰখণ্ড বিধান সভা নিৰ্বাচনৰ এক সভাত বিজেপি সভাপতিগৰাকীয়ে কয়।
এন আৰ চিক লৈ দেশৰ গৃ্হ মন্ত্ৰীগৰাকীয়ে কিছুদিন পূৰ্বে কৰা মন্তব্যই খুব চৰ্চা লাভ কৰিছিল।
At Public meeting in Baharagora, East Singhbhum, Jharkhand. https://t.co/UjRF1Z80VP
— Amit Shah (@AmitShah) December 2, 2019
অসমতো পুনৰ এন আৰ চি কৰা হ’ব বুলিও এক অস্পষ্ট-ধৰণৰ ঘোষণা শাসক বিজেপি আৰু চৰকাৰে কৰি আহিছে।
অসমত “নতুন এন আৰ চি” কথাটোক লৈ বিভিন্নজনে বিভিন্ন ধৰণে মত প্ৰকাশ কৰি আহিছে।
ভাৰতৰ উচ্চতম ন্যায়ালয় নিৰ্দেশিত এন আৰ চি উন্নীতকৰণ প্ৰক্ৰিয়াটো অসমত এতিয়াও চলি আছে।
