সমগ্ৰ অসম তথা উত্তৰ-পূবত নাগৰিকত্ব (সংশোধনী) আইনৰ বিৰুদ্ধে তীব্ৰ প্ৰতিবাদ অব্যাহত থকাৰ সময়ত এই আইন বাতিলৰ দাবীত শতাধিক প্ৰবাসী অসমীয়াই লণ্ডনৰ ৰাজপথত তীব্ৰ প্ৰতিবাদ সাব্যস্ত কৰে।
দেওবাৰে প্ৰতিবাদকাৰী সকলে ডিঙিত গামোছা লৈ লণ্ডনত থকা ভাৰতীয় উচ্চায়ুক্তৰ কাৰ্য্যালয়ৰ সন্মুখত জয় আই অসম ধ্বনি দি নাগৰিকত্ব (সংশোধনী) আইনৰ বিৰোধিতা কৰে।
প্ৰতিবাদকাৰী সকলে হাতে হাতে ‘আমি নাগৰিকত্ব (সংশোধনী) বিধেয়ক নামানো’, ‘চেভ অসম’ লিখা থকা প্লে-কাৰ্ড প্ৰদৰ্শন কৰি প্ৰতিবাদ সাব্যস্ত কৰে।
আনহাতে ঝাৰখণ্ড বিধানসভা নিৰ্বাচনৰ এখন প্ৰচাৰ সভাত নৰেন্দ্ৰ মোদীয়ে লণ্ডনত হোৱা প্ৰতিবাদক পাকিস্তান সমৰ্থন পুষ্ট প্ৰতিবাদ আখ্যা দিয়ে।
এক কথাত নৰেন্দ্ৰ মোদীয়ে ডিঙিত গামোছা লৈ জয় আই অসম ধ্বনি দি লণ্ডনৰ উচ্চায়ুক্তৰ কাৰ্য্যালয়ৰ সন্মুখত প্ৰতিবাদ সাব্যস্ত কৰা অসমীয়া সকলৰ প্ৰতিবাদক পাকিস্তান সমৰ্থনপুষ্ট প্ৰতিবাদ আখ্যা দিয়ে।
উল্লেখোগ্য যে, নাগৰিকত্ব (সংশোধনী) আইনৰ বিৰোধিতাৰে অসমত চলি থকা গণ প্ৰতিবাদক দমণ কৰাৰ উদ্দেশ্যে সমগ্ৰ ৰাজ্যত ইণ্টাৰনেট সেৱা বন্ধ কৰি দিয়া হৈছে।
