শিলচৰৰ নিষিদ্ধ এলেকাৰ পৰা বিগত বৰ্ষৰ ১৪ নৱেম্বৰত উদ্ধাৰ হোৱা সাত গৰাকী কিশোৰীৰ ভিতৰত চাৰিগৰাকী কিশোৰীক বৃহস্পতিবাৰে শিলচৰ আদালতে পৰিয়ালৰ লোকৰ হাতত অৰ্পন কৰে।
অসম আৰক্ষী আৰু শক্তি সমূহা নামৰ নেপালৰ এটা বেচৰকাৰী সংস্থাৰ যুটীয়া অভিযানত কিশোৰী সাত গৰাকীক উদ্ধাৰ কৰা হৈছিল।
বেচৰকাৰী সংস্থাটোৱে দাখিল কৰা এখন এজাহাৰৰ ওপৰত ভিত্তি কৰি উদ্ধাৰ অভিযানটো চলোৱা হৈছিল।
কিশোৰী সৰবৰাহৰ লগত জড়িত এগৰাকী স্থানীয় মহিলাকো অভিযানৰ সময়ত গ্ৰেপ্তাৰ কৰা হয়।
বেচৰকাৰী সংস্থাটোৱে শিলচৰ আদালতত দাখিল কৰা আবেদনৰ ভিত্তিত উদ্ধাৰ হোৱা সাত গৰাকী কিশোৰীক চৰকাৰী পুনৰসংস্থাপন কেন্দ্ৰলৈ পঠিওৱা হৈছিল।
উন্নত জীৱন ধাৰণৰ প্ৰতিশ্ৰুতি দি সাতোগৰাকী কিশোৰীক শিলচৰৰ পতিতালয়লৈ সৰবৰাহ কৰা হৈছিল বুলি আৰক্ষী সূত্ৰত প্ৰকাশ পাইছিল।
উল্লেখযোগ্য যে, বিভিন্ন সময়ত নেপালৰ পৰা ভাৰতৰ বিভিন্ন স্থানলৈ মানৱ সৰবৰাহকাৰী চক্ৰই কিশোৰী সকলক সৰবৰাহ কৰি আহিছে।
