ডিব্ৰুগড় জিলাৰ মাইজান অঞ্চলত ব্ৰহ্মপুত্ৰৰ সুঁতিত সাঁতুৰি গণৰাজ্য দিৱস উদযাপন কৰিবলৈ গৈ তিনিজনকৈ যুৱকৰ সলিল সমাধি ঘটিছে।
দুৰ্ভাগ্যজনক ঘটনাটোত মৃত্যুক সাৱটি লোৱা যুৱককেইজন হ’ল ক্ৰমে সঞ্জয় বৰ্মন (৩৬), ৰৌশন তামাং (১৮) আৰু ৰাজীৱ দুৱৰা (১৬)।
ঘটনাটোৱে সমগ্ৰ জালান নগৰ অঞ্চলক শোকাকুল কৰি তোলে।
জানিব পৰামতে, তিনিওজন বন্ধুৱে গণৰাজ্য দিৱস উপভোগৰ বাবে ব্ৰহ্মপুত্ৰত সাঁতোৰাটোক বাছি লৈছিল আৰু মাইজানলৈ গৈছিল।
ৰৌশন তামাং ডি এইচ্ছ এছ কে মহাবিদ্যালয়ৰ ছাত্ৰ আছিল আৰু ফেব্ৰুৱাৰিত অনুষ্ঠিত হ’ব লগীয়া উচ্চতৰ মাধ্যমিক পৰীক্ষাত অৱতীৰ্ণ হোৱাৰ কথা আছিল, দেউতাকে কয়।
তামাঙৰ চুবুৰীয়া সঞ্জয় বৰ্মন পেচাত এজন ড্ৰাইভাৰ আছিল।
আনহাতে দশম শ্ৰেণীৰ ছাত্ৰ ৰাজীৱ দুৱৰা এ এম চি এইচ্ছ কেম্পাছৰ আৱাসী কমল দুৱৰাৰ পুত্ৰ আছিল।
এছ ডি আৰ এফে প্ৰায় ২ঘণ্টা ধৰি সন্ধান চলাই মৃতদেহকেইটা উদ্ধাৰ কৰে আৰু আজি অসম মেডিকেল কলেজত মৰণোত্তৰ পৰীক্ষা কৰাৰ পিছত পৰিয়ালক চমজাই দিয়া হয়।
