“বি টি আৰ বিজয় উৎসৱ”ত ভাগ ল’বলৈ যোৱা যাত্ৰীৰে ভৰা এখন টাটা মেজিক গাড়ী (নং ২৩৯৯) আজি বঙাইগাওঁ জিলাৰ মাণিকপুৰ আৰক্ষী থানাৰ অন্তৰ্গত বৰবিলাৰ ৩১ নং ৰাষ্ট্ৰীয় ঘাইপথত দুৰ্ঘটনাত পতিত হয়।
কোকৰাঝাৰ অভিমুখে গৈ থকা অৱস্থাত মেজিকখন নিয়ন্ত্ৰণ হেৰুৱাই ঘাইপথৰ দেৱালত খুন্দা মৰাৰ ফলত দুৰ্ঘটনাটো সংঘটিত হয়।
দুৰ্ঘটনাটোত বহুকেইজন যুৱক আহত হয় আৰু ইয়াৰে ৫জনৰ আঘাত গুৰুতৰ।
ততাতৈয়াকৈ ঘটনাস্থলীত মাণিকপুৰ আৰক্ষী উপস্থিত হৈ আহতসকলক মানিকপুৰ আদৰ্শ চিকিৎসালয়ত ভৰ্তি কৰায় যদিও গুৰুতৰভাৱে আহতসকলক উন্নত চিকিৎসাৰ বাবে বঙাইগাঁৱলৈ প্ৰেৰণ কৰে।
আহতসকল ক্ৰমে- সুৰেশ ৰামছিয়াৰি, হৰি চাপন ৰামছিয়াৰি, প্ৰণৱ মুছাহাৰী, বডিয়া মুছাহাৰী, দীনেশ মুছাহাৰী, পাজিব বড়ো, নীৰেন বডো, দিলীপ ডেইৰি বডো, শুকন ৰামছিয়াৰি, পাতল বসুমতাৰী, চৱন নাথ, পৱিত্ৰ ৰামছিয়াৰি, মিহিংগা দেউৰী, তুফান বড়ো, আগোনা নাৰ্জাৰী, গোলাপ বসুমতাৰী, বিশ্বনাথ বসুমতাৰী, প্ৰকাশ বসুমতাৰী, প্ৰতাপ গয়াৰী, নিতোন ৰামছিয়াৰি, নিজোন বড়ো, চাঞ্চুমা বড়ো, আলুমবা বড়ো, তমেজ বসুমতাৰী, নপন মুছাহাৰী।
