অসমে সমগ্ৰ দেশৰ ভিতৰতে শোচনীয় শিক্ষা অৱস্থাৰ ৰেকৰ্ড গঢ়িলে। ৰাজ্যখনত প্ৰাৰ্থমিক আৰু মাধ্যমিক স্তৰৰত ২০১৭-১৮ বৰ্ষত দেশৰ ভিতৰতে সৰ্বাধিক সংখ্যক ছাত্ৰীয়ে বিদ্যালয় এৰিছে।
এই কথা পোহৰলৈ আহিছে যোৱা ৬ ফেব্ৰুৱাৰীত কেন্দ্ৰীয় মানৱ সম্পদ বিকাশ মন্ত্ৰী ৰমেশ পোখৰিয়ালে ৰাজ্য সভাত দাখিল কৰা তথ্যত।
২০১৭-১৮ বৰ্ষত প্ৰাথমিক স্তৰত বিদ্যালয় ত্যাগ কৰা (dropout) ছাত্ৰ-ছাত্ৰীৰ হাৰ ১০.১ শতাংশ, ইয়াৰ বিপৰীতে মাধ্যমিক স্তৰত শিক্ষাৰ্থীৰ dropoutৰ হাৰ হৈছ ৩৩.৭ শতাংশ।
উক্ত দুয়োটা হাৰেই হৈছেই দেশৰ ভিতৰতে সৰ্বাধিক। অসমত প্ৰাথমিক স্তৰত ছাত্ৰৰ dropout হাৰ ১১.২% হোৱাৰ বিপৰীতে ছাত্ৰীৰ হাৰ ৮.৯%। মাধ্যমিক স্তৰত ছাত্ৰৰ ৩২.১% আৰু ছাত্ৰীৰ dropoutৰ হাৰ হৈছে ৩৫.২%।
প্ৰাৰ্থমিক স্তৰত dropoutৰ ক্ষেত্ৰত অসমৰ পিছতে দ্বিতীয় স্থান আছে চুবুৰীয়া ৰাজ্য অৰুণাচল প্ৰদেশ, ৰাজ্যখনৰ dropoutৰ হাৰ হৈছে ৮.১ শতাংশ। আনহাতে মাধ্যমিক স্তৰত অসমৰ পিছত দ্বিতীয় স্থানত থকা ৰাজ্যখন হৈছে বিহাৰ, ইয়াত dropoutৰ হাৰ ৩২ শতাংশ।
