অসম আৰক্ষীত ১২৮৩ টা পদ খালী : নিযুক্তিৰ বাবে আবেদন আহ্বান

দেশত অভাৱনীয় হাৰত নিবনুৱাৰ সংখ্যা বৃদ্ধি পাবলৈ ধৰাৰ সময়তে অসম চৰকাৰে সুখবৰ কঢ়িয়াই আনিছে চাকৰি বিচাৰি থকা ৰাজ্যৰ শিক্ষিত যুৱক-যুৱতীসকললৈ।

অসমত ৰাজ্যিক পৰ্যায়ৰ আৰক্ষী নিযুক্তি বোৰ্ড (এছ এল পি আৰ বি) এ কনিষ্টবল পদৰ বাবে নিযুক্তি সম্বন্ধীয় জাননী জাৰি কৰিছে। মুঠ খালী থকা পদৰ সংখ্যা হৈছে ১২৮৩ টা।

জানিব পৰা অনুসৰি এই পদ সমূহ পূৰণৰ বাবে ৰাজ্যৰ বিভিন্ন জিলাত অনুষ্ঠিত কৰা হ’ব নিয়োগ সমাবেশ।

কনিষ্টবলৰ খালী পদসমূহ APRO ৰ (যোগাযোগ/মেছেঞ্জাৰ/কাঠমিস্ত্ৰী/য়ু বি) আৰু অগ্নি নিৰ্বাপক আৰু জৰুৰী সেৱাত ছাব-অফিচাৰ, অগ্নিনিৰ্বাপক আৰু আপাতকালীন উদ্ধাৰকাৰী হিচাপে পূৰণ কৰিব।

এই পদৰ বাবে আগ্ৰহী প্ৰাৰ্থীসকলে বিভাগীয় ৱেবছাইট (www.slprbassam.in) ৰ জৰিয়তে কৰিব পাৰিব আবেদন। অন্য ধৰণৰ আবেদন গ্ৰহণ কৰা নহ’ব বুলি জনাইছে।

প্ৰাৰ্থীসকলে পঞ্জীকৰণ প্ৰক্ৰিয়া সম্পূৰ্ণ কৰিবলৈ প্ৰয়োজনীয় সকলো তথ্যৰ লগতে ফটো আৰু চহীও আপলোড কৰিব লাগিব।

উল্লেখ্য যে এই পদ সমূহত নিযুক্তি লাভ কৰিবলগীয়া প্ৰাৰ্থী সকলৰ পে স্কেল ১৪ হাজাৰৰ পৰা ৪৯ হাজাৰ।

আবেদন পত্ৰৰ বাবে কোনো মাছুল নিৰ্দ্ধাৰণ কৰা হোৱা নাই। প্ৰাৰ্থীসকলৰ আবেদন সকলো দিশৰ পৰা শুদ্ধ হ’লে প্ৰথমে লিখিত পৰীক্ষা আৰু পিছত শাৰীৰিক পৰীক্ষা অনুষ্ঠিত হ’ব।

জানিব পৰা অনুসৰি, এই পদসমূহত নিযুক্তিৰ বাবে আবেদন পত্ৰ দাখিলৰ প্ৰক্ৰিয়া ১৫ জুনত আৰম্ভ হ’ব আৰু ৩০ জুন আবেদন পত্ৰ দাখিলৰ অন্তিম দিন।