চলচ্চিত্ৰৰ বাহিৰেও বলীউদৰ অভিনেত্ৰী প্ৰিয়ংকা চোপ্ৰাই তেওঁৰ ব্যক্তিগত জীৱনৰ বাবেও বিভিন্ন সময়ত শিৰোণাম দখল কৰি আহিছে।
তেওঁক এতিয়া সদায়েই স্বামী নিক জোনাছৰ সৈতে একেলগে দেখা যায়।
দুয়োকে একেলগে দেখিবলৈ আকৰ্ষণীয় হৈ পৰে যদিও নিক প্ৰিয়ংকা চোপ্ৰাতকৈ প্ৰায় ১০ বছৰে সৰু।
এই বয়সৰ ব্যৱধানৰ বাবে দুয়ো বিভিন্ন সময়ত বাতৰিৰ শিৰোণামলৈও আহিছে।
এনেকুৱা পৰিস্থিতিত আমেৰিকান গায়ক নিকে জোনাছে প্ৰিয়ংকাৰ সৈতে তেওঁৰ বয়সৰ ব্যৱধান সন্দৰ্ভত খুব স্পষ্টভাৱে মন্তব্য কৰে।
বৰ্তমান নিকে দ্য ভইচ নামৰ বিখ্যাত ৰিয়েলিটি শ্ব’ এটাৰ বিচাৰক হিচাপে ব্যস্ত আছে। শ্ব’টোত এগৰাকী গায়িকা কেলী ক্লাৰ্কছনেো বিচাৰক হিচাপে আছে আৰু দুয়োকে বহু ধেমেলীয়া মুহূৰ্তত দেখা গৈছে।
শ্ব’টোত এবাৰ কেলীয়ে নিকক কৈছে, ‘’মই ৩৭’, নিক তুমি ২৭’। প্ৰত্যুত্তৰত নিকে কয়,’’মোৰ পত্নীও ৩৭, গতিকে কোনো কথা নাই।‘’
প্ৰিয়ংকা চোপ্ৰা সম্পৰ্কত নিক জোনাছৰ প্ৰতিক্ৰিয়া ছচিয়েল মিডিয়াত ভাইৰেল হৈ পৰিছে।
নিক জোনাছ আৰু প্ৰিয়ংকা চোপ্ৰাই ২০১৮’ত বিবাহপাশত আৱদ্ধ হৈছিল। বিয়াৰ পাছত দুয়োকে বয়সৰ ব্যৱধানৰ বাবে বহুতে ট্ৰোল কৰা দেখা গৈছিল।
এক সাক্ষাৎকাৰত প্ৰিয়ংকা চোপ্ৰাই নিক জোনাছক কৈছিল, যেতিয়া মই ১০ বছৰে ডাঙৰেই মই এইবোৰ কথাক গুৰুত্ব নিদিওঁ আৰু আমি ট্ৰোলক গুৰুত্ব দিয়া উচিত নহয়।
নিক জোনাছ আৰু প্ৰিয়ংকা চোপ্ৰা ছচিয়েল মিডিয়াত অতি সক্ৰিয়। দুয়োজনে তেওঁলোকৰ অনুৰাগীসকলৰ বাবে ফটো আৰু ভিডিঅ’ শ্বেয়াৰ কৰি আহিছে।
অলপতে তেওঁলোকৰ এটা ভিডিঅ’ দেখা গৈছিল য’ত নিক আৰু প্ৰিয়ংকাক বলীউদৰ গানত নৃত্য কৰা দেখা গৈছিল।
নিক আৰু প্ৰিয়ংকাৰ বিয়াৰ পাছৰে পৰাই দুয়োজনৰ প্ৰেমৰ সম্পৰ্কক লৈ ছচিয়েল মিডিয়াত বহু আকৰ্ষণীয় বাতৰি প্ৰকাশ পাই আহিছে।
