ভোগালী বিহুৰ উৰুকা দিনাই টিংখাঙত সংঘটিত হয় এক জঘন্য ধৰ্ষণ আৰু হত্যাকাণ্ডৰ ঘটনা।
উৰুকাৰ আগ নিশা টিংখাং সমষ্টিৰ বৰবাম আৰক্ষী চকীৰ অন্তৰ্গত ১নং নগাবাট গাঁও নিবাসী বিৰাজো ওৰাঙক (৫৯) ঘৰৰ ভিতৰতে শুই থকা অৱস্থাত কুঠাৰ মাৰি নৃশংস ভাৱে হত্যা কৰি আৰু তেওঁৰ ভতিজী তথা ৰমেশ ওৰাঙৰ ১৮ বছৰীয়া কন্যা ৰেশমা ওৰাঙক পথাৰৰ মাজলৈ নি ধৰ্ষণ কৰি বৰ্বৰভাৱে হত্যা কৰি পেলাই থৈ যায়।
বিহুৰ উৰুকা দিনা দুপৰীয়া বিৰাজো ওৰাঙৰ (৫৯) মৃতদেহ ঘৰৰ ভিতৰত উদ্ধাৰ হোৱাৰ বিপৰীতে যুৱতীগৰাকীৰ মৃতদেহ পথাৰৰ মাজত সম্পূৰ্ণ উলংগ অৱস্থাত উদ্ধাৰ কৰা হয়।
এই ঘটনা পোহৰলৈ অহাৰ লগে লগেই অঞ্চলজুৰি সৃষ্টি হয় তীব্ৰ চাঞ্চল্যৰ।
ঘটনাস্থলীত টিংখাং আৰক্ষী উপস্থিত হৈ মৃতদেহ দুটা উদ্ধাৰ কৰে। ঘৰৰ ভিতৰত মহিলাগৰাকীৰ মৃতদেহ কাষতে এখন কোঠাৰ পৰি থকা আৰক্ষীয়ে উদ্ধাৰ কৰে। আৰু এই কোঠাৰে আঘাত কৰি হত্যা কৰা সন্দেহ কৰা হৈছে।
আনহাতে পথাৰ মাজত যুৱতীগৰাকী সম্পূৰ্ণ উলংগ অৱস্থাত উদ্ধাৰ হোৱা ঘটনাই ধৰ্ষণ কৰি হত্যা কৰা হৈছে বুলি সন্দেহ কৰা হৈছে।
ইফালে ঘটনা সংঘটিত হোৱা দুটা দিন উকলি যোৱাৰ পিছতো আজি পৰ্যন্ত হত্যাকাৰীৰ সন্ধান লাভ কৰিবলৈ সক্ষম হোৱা নাই আৰক্ষী প্ৰশাসন।
এই জঘন্য ঘটনাত জড়িত দোষীক ২৪ ঘণ্টাৰ ভিতৰত গ্ৰেপ্তাৰ কৰি কোনো কাৰণত যাতে আইনী ব্যৱস্থাত হাৰি যাব নোৱাৰে তাৰ ব্যৱস্থা কৰাৰ বাবে দাবী জনাইছে “ৱাৰিঅ’ৰ ডিব্ৰুগড় জিলা সমিতিয়ে।
আনহাতে দুৰ্ভগীয়া পৰিয়াল দুটাৰ বাসগৃহতদ উপস্থিত হৈ বাৱিঅ’ৰ ডিব্ৰুগড় জিলাৰ সভানেত্ৰী নিৰ্মালী দাস কুলিগঞা, প্ৰচাৰ সম্পাদক দেৱজিৎ গগৈ চৰাইদেউ জিলাৰ সমিতিৰ সভানেত্ৰী ৰিজুমণী গগৈ, টিংখাং আঞ্চলিকৰ সদস্যা দিপাঞ্জলী গগৈয়ে জঘন্য ঘটনাৰ তীব্ৰ নিন্দা কৰি দোষীক অতি শীঘ্ৰে কৰায়ত্ব কৰি কঠোৰ শাস্তি প্ৰদান কৰিবলৈ দাবী জনাইছে।
লগতে বৰবাম আৰক্ষী চকীত ঘটনাৰ তদন্ত প্ৰক্ৰিয়া ক্ষীপ্ৰতাৰে কৰি আইনী ব্যৱস্থাৰে উচিত শাস্তিৰ বাবে এখনি আবেদন জনাইছে ৱাৰিঅ’ৰে।
