ৰাজ্যৰ ভিন্ন প্ৰান্তৰ লগতে তামুলপুৰ জিলাতো বানে ভয়াবহ ৰূপ ধাৰণ কৰিছে। নেৰানেপেৰা বৰষুণৰ বাবে জিলাখনৰ বান পৰিস্থিতি অবৰ্ণনীয় হৈ পৰিছে।
তাৰ মাজতেই দেখা গৈছে আন এক হৃদয় জোকাৰি যোৱা দৃশ্য। সেই দৃশ্য জিলাখনৰ অন্তৰ্গত গান্ধীবাৰীৰ।
বানত আক্ৰান্ত এগৰাকী ৯০ৰ উৰ্ধৰ আইতাক কলৰ ভুৰেৰে ইপাৰ সিপাৰ নেদেখা পুঠিমাৰী নৈ পাৰ কৰাই আশ্ৰয় শিবিৰলৈ লৈ আহিছে অঞ্চলটোৰ জাতীয় সংগঠনৰ নেতা-কৰ্মী তথা সচেতন ৰাইজে।
জানিব পৰা মতে আইতাগৰাকীক সম্প্ৰতি গান্ধীবাৰীত আশ্ৰয় শিবিৰত ৰাখি পাৰ্যমানে শুশ্ৰূষা কৰি থকা হৈছে।
