টীয়ক আৰক্ষী থানাৰ অন্তৰ্গত ডালিম খনিকৰ চাহ বাগিছাৰ মাজত আজি এগৰাকী মহিলাৰ মৃতদেহ উদ্ধাৰ হোৱা ঘটনাই চাঞ্চল্য সৃষ্টি হৈছে।
জানিব পৰা মতে মৃতদেহটো খনিকৰ বাগিছাৰে বাবলু পাটৰ নামৰ এগৰাকী ব্যক্তি পৰিবাৰ দেৱন্তী পাটৰৰ।
দেৱন্তী পাটৰৰ পৰিয়ালৰ লোকে জনোৱা মতে বহুদিন ধৰি দেৱন্তী পাটৰৰ সৈতে তেওঁৰ স্বামী বাবলু পাটৰৰ পাৰিবাৰিক সমস্যা চলি আছিল আৰু আজিৰ পৰা প্ৰায় ২০দিনৰ পূৰ্বে দেৱন্তী পাটৰৰ পৰিয়ালে বাবুল পাটৰৰ বিৰুদ্ধে টীয়ক আৰক্ষী থানাত এজাহাৰ দাখিল কৰিছিল।
লগতে পঢ়ক: ওদালগুৰিৰ কালাঝাৰত মৰ্মান্তিক ঘটনা; বিদ্যুৎস্পৃষ্ট হৈ তিনি শ্ৰমিকৰ কৰুণ মৃত্যু, গুৰুতৰভাৱে আহত দুজন
সেয়ে আজি এই মৃত্যুক সহজভাৱে নলৈ পৰিয়ালৰ লোকে তেওঁৰ স্বামী বাবলু পাটৰৰ বিৰুদ্ধে এক এজাহাৰ দাখিল কৰিছে।
টীয়ক আৰক্ষীয়ে ইতিমধ্যে ঘটনাস্থলীত উপস্থিত হৈ অভিযুক্ত বাবুলক আটক কৰি আনি সোধা পোচা অব্যাহত ৰাখিছে।