ৰাজহুৱা সেৱা প্ৰদানৰ বাবে আৰু জনতাৰ সমস্যাৰ তৎকালীন সমাধানৰ বাবে চৰকাৰে বিশেষ কাৰ্যসূচীৰ আয়োজন কৰিছিল। এসেই কাৰ্যসূচীত চৰকাৰে লাভ কৰা আবেদন সমূহ এখন এখনকৈ পঢ়ি আছিল।
তেনেতে চৰকাৰী বিষয়াসকলে লাভ কৰিছিল এখন বিশেষ আবেদন। যি আবেদন লাভ কৰি হাঁহো নে কান্দ অৱস্থা হৈছিল বিষয়া সকলৰ।
এজন কৃষকে চৰকাৰৰ ওচৰত সহায়ৰ বাবে আবেদন জনাইছিল, কিন্তু কৃষি সম্পৰ্কীয় নাছিল এই আবেদন।
এই আমোদজনক ঘটনা সংঘটিত হৈছে কৰ্ণাটকৰ কোপ্পাল জিলাত। তাত জনস্পন্দন নামৰ এটা চৰকাৰী শিবিৰৰ আয়োজন কৰি ৰাইজৰ অভাৱ-অভিযোগ শুনা আৰু যিমান পাৰি তাৰ প্ৰতিকাৰৰ ব্যৱস্থা কৰা হৈছিল। তাত এজন কৃষকে আবেদন দাখিল কৰিছিল। য’ত আনে পানী যোগান বা ৰাস্তাৰ দাবী কৰে, তাত কৃষকজনে তেওঁৰ বাবে কইনা বিচাৰিবলৈ চৰকাৰক কাতৰ অনুৰোধ কৰে।
সংগপ্পা নামৰ কৃষকজনে কইনা বিচাৰি চৰকাৰৰ পৰা সহায় বিচাৰি আবেদন দাখিল কৰে। জিলা উপায়ুক্ত নলিনী অতুলৰ ওচৰলৈ গৈ তেওঁ কয়, “যোৱা ১০ বছৰ ধৰি মই কইনা বিচাৰি আছোঁ, কিন্তু মোক বিয়া কৰাবলৈ কোনো ইচ্ছুক নহয়। মোৰ মানসিক স্বাস্থ্যতো ইয়াৰ প্ৰভাৱ পৰিছে। মোৰ বাবে এগৰাকী কইনা বিচাৰি দিয়ক। ”
