বোকাখাত মহকুমাৰ ধোবাআটি গাঁৱৰ পৰা জুন মাহকে পৰাই সন্ধানহীন হৈ থকা এগৰাকী মহিলাক আজি গোলাঘাট নগৰৰ পৰা উদ্ধাৰ কৰা হয়৷
গোলাঘাটৰ ৰাজেন্দ্ৰ নাথ বৰুৱা সেতুৰ পদ পথতে বহি থকা অৱস্থাত ফিজু দলে আৰু বিৰাট দলে নামৰ যুৱক দুজনে প্ৰত্যক্ষ কৰে মহিলা গৰাকীক৷
ফিজু দলে ধোবাআটি গাঁৱৰে যুৱক হোৱাৰ বাবে পদ পথত বহি থকা প্ৰেমদা পেগু কাৰ্ডং নামৰ মহিলা গৰাকীক চিনিব পাৰে৷
যুৱক জনে বোকাখাত আৰক্ষী থানাৰ ভাৰপ্ৰাপ্ত বিষয়া আৰু বোকাখাতৰ মহকুমা আৰক্ষী বিষয়াক বিষয়তো অৱগত কৰাৰ পাচত বোকাখাত আৰক্ষীয়ে গোলাঘাটৰ আৰক্ষীৰ সহযোগত মহিলা গৰাকীক উদ্ধাৰ কৰি বোকাখাতলৈ আনে৷
উল্লেখ্য যে, চলিত বৰ্ষৰ ১৫ জুনৰ পৰা সন্ধানহীনহৈ আছিল মহিলা গৰাকী।
মহিলা গৰাকী নিৰুদিষ্ট হোৱাৰ পিছতে পৰিয়ালৰ লোক বোকাখাত আৰক্ষী থানাত মহিলা গৰাকী নিৰুদ্দেশ সম্পৰ্কত এক এজাহাৰো দাখিল কৰিছিল৷
তিনিমাহ ধৰি সন্ধানহীন হৈ আছিল প্ৰমদা পেগু কাৰ্ডং নামৰ মহিলা গৰাকী৷ মহিলা গৰাকীৰ স্বামী ধোবাআটি গাঁৱৰ পদ্ম কাৰ্ডং৷
