জুবিনলৈ —-
তুমি সুধিছিলা :
মই নথকাৰ অনুভৱ
যিদিনা হ’ব তোমাৰ
সিদিনা অশ্ৰু নিগৰিব নে অপাৰ—- !
চোৱাচোন এতিয়া
কেনেকে কান্দিছে পাহাৰ, পথাৰ, জংঘল
সিক্ত তোমাৰ প্ৰিয় অসমৰ মাটি
মানুহৰ চকুলোৰে !
কেনেকৈ বন্ধ হৈ যায় বতাহ
কেতিয়া কেনেকৈ
কোনেও নাজানে
গছৰ তলত
পানীত
বিছনাত
যিকোন ঠাইত স্থিৰ হৈ যায় বতাহ
আৰু পখী উৰি গৈ থাকে
ধীৰে ধীৰে —-
ডাৱৰৰ বুকু ভেদি
উভতি আহা তুমি
ৰূপালী জোনাক হৈ
বিয়পি পঢ়ক তোমাৰ গীত
জহাধানৰ পথাৰত
ব্ৰহ্মপুত্ৰৰ তীৰত
লুইতৰ পাৰত—- !
অশ্ৰু লোৱা
আশীষ লোৱা
য’ত থাকা
ভালে থাকা
জুবিন !
ভালে থাকা !!
কবি শৈলবালা মহাপাত্ৰৰ ফোন নং 7008586501
