দক্ষিণ এছিয়াত প্ৰথমবাৰৰ বাবে গৃহীত হ’ল সমলৈংগিক বিবাহক স্বীকৃতি প্ৰদান কৰা আইন। মঙলবাৰে এই আইনখন গৃহীত কৰা হয়।
থাইলেণ্ডৰ সংসদ চেনেটে ভোটৰ জৰিয়তে এই বিলখন গৃহীত কৰে। ছিনেটত মুঠ সদস্যৰ সংখ্যা ১৫২ জন। ইয়াৰে ১৩০ জনেই এই আইনৰ সপক্ষে, ৪ জনে বিৰুদ্ধে ভোট দিয়াৰ বিপৰীতে আৰু ১৮ জনে ভোট দিয়া নাছিল।
বিধেয়কখন গৃহীত হোৱাৰ পাছত ৰাজা মহা বজীৰালংকৰ্ণই বিধেয়কখনত স্বাক্ষৰ কৰিব। এই আইনখন সৃষ্টিৰ ১২০ দিনৰ ভিতৰত কাৰ্যকৰী হ’ব।
এই বিবাহক টাইৱান আৰু নেপালৰ পিছত এছিয়াৰ তৃতীয়খন দেশ হিচাপে থাইলেণ্ডত স্বীকৃতি দিয়া হৈছে। বিধেয়কখনৰ মতে যিকোনো লিংগৰ লোকে বিবাহপাশত আবদ্ধ হ’ব পাৰে। তেওঁলোক কোনো অধিকাৰৰ পৰা বঞ্চিত নহ’ব। এতিয়াৰ পৰা কাকো স্বামী-স্ত্ৰী বুলি চিনাক্ত কৰা নহ’ব, ইয়াক বিবাহ সংগী বা বিবাহিত সংগী বুলি কোৱা হ’ব। বিবাহৰ ক্ষেত্ৰত ইয়াক পুৰুষ বা মহিলা বুলি নহয়, ব্যক্তিগত বা সুকীয়া বুলি উল্লেখ কৰা হ’ব।
উল্লেখ্য যে বছৰ বছৰ ধৰি কৰা সংগ্ৰামৰ অন্তত দেশখনত সমলিংগ বিবাহক বৈধতা প্ৰদান কৰা হৈছে। এই বিষয়টো চৰকাৰ আৰু প্ৰশাসনৰ ভিতৰত দীৰ্ঘদিন ধৰি চলি আহিছিল। এই সিদ্ধান্ত যদি ফলপ্ৰসূ হয়, মানুহে ইয়াক কেনেকৈ গ্ৰহণ কৰিব, এই প্ৰশ্নটো বিভিন্ন মহলত উত্থাপন হৈছে।
কিন্তু শেষত চৰকাৰৰ এই সিদ্ধান্তত সমকামী সকল হ’ব সুখী। আপাততঃ আইনখন কাৰ্যকৰী কৰিবলৈ এখন কমিটী গঠন কৰা হ’ব বুলি জানিব পৰা গৈছে।
