যোৰহাট জিলাৰ টীয়কৰ জখৰীয়া গাঁৱৰ এক ধৰ্মীয় অনুষ্ঠানত দিহানাম পৰিবেশন কৰি থকাৰ সময়ত এক ৰক্তাক্ত ঘটনাৰ সংঘটিত হয়।
কেমেৰাৰ সন্মুখতে দেৱজিৎ বৰা নামৰ যুৱকজনে একে গাৱঁৰে ৰুবুল বৰা নামৰ যুৱকজনক চোকা অস্ত্ৰৰে উপৰ্যুপৰি আক্ৰমণ কৰাত ৰুবুল বৰা নামৰ যুৱকজন গুৰুত্বৰভাৱে আহত হয়।
গাঁৱৰ ফটিক বৰা নামৰ লোকজনৰ ঘৰত নিশা ধৰ্মীয় অনুষ্ঠানত দিহানাম পৰিবেশন কৰি থকাৰ সময়তে দেৱজিত বৰাই এই আক্ৰমণ সংঘটিত কৰে।
জানিবপৰা মতে দেৱজিৎ বৰা নামৰ যুৱকজনে পৰিয়ালকেন্দ্ৰিক বিবাদৰ বাবেই ধৰ্মীয় অনুষ্ঠানত গীত পৰিবেশন কৰি থকা ৰুবুল বৰাক অতৰ্কিতে এখন চোকা দাৰে আঘাত কৰি ঘটনাস্থলীৰ স্থানৰ পৰা পলায়ন কৰে।
ঘটনাৰ সন্দৰ্ভত পৰিয়ালে ইতিমধ্যে টীয়ক আৰক্ষী থানাত 778/2020 নম্বৰত এক গোচৰ ৰুজু কৰিছে যদিও বৰ্তমানলৈকে দেৱজিৎ বৰা পলাতক অৱস্থাত আছে বুলি জানিব পৰা গৈছে।
