আমিৰ খানকলৈ টিকটকত ভুৱা প্ৰচাৰ : এই বিষয়ে কি ক’লে বলিউদৰ চুপাৰষ্টাৰ গৰাকীয়ে?
কিছুদিন পূৰ্বে এটা টিকটক ভিডিঅ’ চ’ছিয়েল মিডিয়াত ব্যাপকভাৱে প্ৰচাৰ হোৱাৰ লগতে চৰ্চালৈ আহিছিল।
সমগ্ৰ দেশতে প্ৰচাৰ আৰু চৰ্চা লাভ কৰা ভিডিঅ’টো আছিল বলিউদৰ চুপাৰষ্টাৰ আমিৰ খানকলৈ।
ভাইৰেল হোৱা টিকটক ভিডিঅ’টোত কোৱা হৈছিল যে দিল্লীৰ শ্লাম অঞ্চলৰ দৰিদ্ৰ লোকৰ বাবে আটাৰ বেগত ভৰাই ১৫,০০০কৈ টকা বিতৰণ কৰা হৈছিল। আৰু এই টকা বলিউদৰ পাৰ্ফেক্টচনিষ্ট আমিৰ খানে ল’কডাউনত অনাহাৰত থকা দৰিদ্ৰ লোকসকলক সকাহ দিবলৈ বিতৰণ কৰিছিল।
ভিডিঅ’টো ভাইৰেল হৈ পৰাৰ লগে লগে আমিৰ খানৰ অনুৰাগীসকলে চুপাৰষ্টাৰজনৰ এই জনহিতৈষী কামৰ বাবে প্ৰশংসাৰে উপচাই দিয়াৰ পৰলিক্ষিত হৈছিল।
পিছে আমিৰ খানৰ জনাইছে যে দৰিদ্ৰলোকৰ বাবে আটাৰ বেগত ১৫,০০০ টকা ভৰাই তেওঁ বিতৰণ কৰা নাছিল। সেয়া ভুৱা আছিল প্ৰচাৰ।
নিজৰ টুইটাৰ একাউন্টত সোমাবাৰে টুইট কৰি আমিৰ খানে কৈছে, ‘বন্ধুসকল, আটাৰ বেগত টকা ৰখা ব্যক্তিজন মই নহওঁ। এইটো এটা সম্পূৰ্ণ ভুৱা কাহিনী, অথবা ৰবীণ হুদে নিজকে প্ৰকাশ কৰিব বিচৰা নাই। নিৰাপদে থাকক। ভালপাওঁ।’
Guys, I am not the person putting money in wheat bags. Its either a fake story completely, or Robin Hood doesn’t want to reveal himself!
Stay safe.
Love.
a.— Aamir Khan (@aamir_khan) May 4, 2020
ক’ৰ’না বিৰুদ্ধে যুঁজিবলৈ বলিউদৰ অভিনেতা গৰাকীয়ে ইতিমধ্যে প্ৰধানমন্ত্ৰীৰ কেয়াৰ্ছ ফাণ্ড আৰু মহাৰাষ্ট্ৰ মুখ্যমন্ত্ৰীৰ ৰিলিফ ফাণ্ডলৈ সাহায্য আগবঢ়াইছে।