২০২২ৰ উত্তৰাখণ্ড বিধানসভাৰ নিৰ্বাচনত বিজেপিক প্ৰত্যাহ্বান জনাব আদ আদমি পাৰ্টিয়ে।
সোমবাৰে আম আদমিৰ পাৰ্টিৰ নেতা তথা দিল্লী উপ মুখ্যমন্ত্ৰী মনীষ চিচুদিয়াই এই কথা ঘোষণা কৰিছে।
চিচুদিয়াই সংবাদ মাধ্যমৰ আগত কয় যে তেওঁৰ দলে উত্তৰাখণ্ডৰ আগন্তুক ২০২২ বিধানসভাৰ নিৰ্বাচনত ৭০ টা সমষ্টিতে প্ৰতিদ্বন্দ্বিতা কৰিব। উল্লেখ্য যে উত্তৰাখণ্ড বিধানসভা সমষ্টিৰ সংখ্যা হৈছে ৭০ টা।
চিচুদিয়াই দাবী কৰি কয় যে উত্তৰাখণ্ডৰ জনতাই ট্ৰিবেন্দ্ৰ সিং ৰাৱাটৰ নেতৃত্বাধীন চৰকাৰৰ দিনত একেবাৰে সুখী নহয় আৰু এই চৰকাৰে ৰাজ্যখনৰ কল্যাণৰ বাবে একো কামেই কৰিব পৰা নাই।
“উত্তৰাখণ্ডৰ বহু লোকে আপ শাসিত দিল্লী পৰিভ্ৰমণ কৰিছে আৰু তেওঁলোকে উত্তৰাখণ্ডতো আপক ক্ষমতালৈ অহাতো বিচাৰিছে। আপ-এ দিল্লীত বিদ্যুৎ, পানী, শিক্ষা, স্বাস্থ্য আৰু নিয়োগ ক্ষেত্ৰত যেনে কাম কৰিছে উত্তৰাখণ্ডতো আপে-এ তেনে কাম কৰাতো তেওঁলোকে বিচাৰিছে।” দিল্লীৰ উপ মুখ্যমন্ত্ৰী মনীষ চিচুদিয়াই এনআইক কয়।
ইফালে উত্তৰাখণ্ডৰ মন্ত্ৰী মদন কৌশিকে উত্তৰাখণ্ডত দিল্লীতকৈ অধিক উন্নয়ন হোৱা বুলি দাবী কৰি আপক প্ৰত্যাহ্বান জনায় কৈছিল যে কোন চৰকাৰে কিমান উন্নয়ন কৰিছে তাৰ তুলনামূলক মুখামুখি বিতৰ্ক হওক।
দিল্লীৰ উপ মুখ্যমন্ত্ৰীগৰাকীয়ে এই প্ৰত্যাহ্বান গ্ৰহণ কৰি যিকোনো ঠাইত যিকোনো সময়তে সেই বিতৰ্কত অৱতীৰ্ণ হ’বলৈ দিল্লী চৰকাৰৰ সাজু বুলিও কয়।
“দলৰ অধ্যক্ষ তথা দিল্লীৰ মুখ্যমন্ত্ৰী অৰবিন্দ কেজৰিৱালে উত্তৰাখণ্ড বিধানসভাৰ ৭০ টা সমষ্টিত প্ৰতিদ্বন্দ্বিতা কৰিবলৈ সিদ্ধান্ত লৈছে। মই দুবাৰ ৰাজ্যখন পৰিভ্ৰমণ কৰিছো। ৰাজ্যখনৰ বহু জ্যেষ্ঠ লোকে আমাৰ সৈতে জড়িত হৈছে। মুখ্যমন্ত্ৰী ট্ৰিবেন্দ্ৰ সিং ৰাৱাটে যোৱা চাৰিটা বছৰত ৰাজ্যখনৰ বাবে একো কামেই নকৰিলে, তাৰবাবে তেওঁলোক অসন্তুষ্ট। তেওঁলোকে তেওঁক কৰ্মহীন মুখ্যমন্ত্ৰী বুলি অভিহিত কৰিছে।” চিচুদিয়াই লগতে কয়।
