সদৌ অসম আদিবাসী ছাত্ৰ সন্থা (আছা) বিশ্বনাথ জিলা সমিতিৰ উদ্যোগত আৰু আঞ্চলিক সমিতিৰ সহযোগত আজি বিশ্বনাথ জিলা উপায়ুক্ত কাৰ্যালয়ৰ সন্মুখত ২ ঘণ্টীয়া ধৰ্ণা কাৰ্যসূচী ৰূপায়ন হয়।
আছাই এই প্ৰতিবাদৰ সময়ত চাহ জনগোষ্ঠীৰ জনজাতিকৰণ, অসমত বসবাস কৰা আদিবাসী/ চাহ বাগিছা অধ্যুষিত অঞ্চলসমূহত ভূমিৰ অধিকাৰ তথা আবণ্টন প্ৰদান কৰা, অসমত বসবাস কৰা আদিবাসী সকলক অন্যান্য পিছপৰা শ্ৰেণীৰ (অ’বিচি) জাতিগত প্ৰমাণ পত্ৰ প্ৰদান কৰিবলৈ আদিবাসী জাতীয় মঞ্চক কৃতিত্ব প্ৰদান কৰাৰ দাবী উত্থাপন কৰে।
তদুপৰি, আদিবাসী চাহ শ্রমিক সকলৰ দৈনিক মজুৰি বৃদ্ধি কৰা, চাহ বাগিছা সমূহৰ প্ৰাথমিক শিক্ষাৰ মানদণ্ড উন্নত আৰু বিজ্ঞানসন্মতভাৱে প্ৰস্তুত কৰা, অসমৰ চাহ বাগিছা সমূহত উচ্ছেদ বন্ধ কৰা ইত্যাদি বিভিন্ন দাবীত এই ধৰ্ণা কাৰ্যসূচী ৰূপায়ন কৰা হয়।
