কোৰান পাঠৰ সময়তে মছজিদৰ বাহিৰত সংঘটিত ভয়ংকৰ বিস্ফোৰণত অতি কমেও ১৫ জন শিশু নিহত হৈছে।
এই মৰ্মান্তিত তথা ভয়ংকৰ বিস্ফোৰণ কাণ্ডটো সংঘটিত হৈছে আফগানিস্তানত।
ঘটনাৰ বিৱৰণীৰ মতে আফগানিস্তানৰ গজনি চহৰৰ পৰা ১২০ কিলোমিটাৰ দূৰত্বৰ গিলান জিলাত শুকুৰবাৰে এই ভয়ংকৰ বিস্ফোৰণটো সংঘটিত কৰিছে তালিবানী সন্ত্ৰাসবাদী সংগঠনে।
শুকুৰবাৰে সংঘটিত এই বিস্ফোৰণৰ ঘটনাৰ দায়িত্ব এই পৰ্যন্ত কোনো সন্ত্ৰাসবাদী সংগঠনে স্বীকাৰ কৰা নাই।
কোৰান পাঠৰ সময়ত মছজিদটোত যথেষ্ঠসংখ্যক লোকৰ ভিৰ আছিল। সেই ভিৰৰ মাজত শিশুৰ সংখ্যা আছিল অধিক। ফলত বিস্ফোৰণটোত ১৫টি শিশুৰ মৃত্যু হয়।
আনহাতে ২০ জনৰো অধিক শিশু আহত হৈছে। আহত শিশুসকলক চিকিৎসাৰ বাবে চিকিৎসালয়ত ভৰ্তি কৰোৱা হৈছে।
গজনি প্ৰদেশৰ মুখপাত্ৰ ওৱেদুল্লাহ জুমাজাদাই সংবাদ মাধ্যমক জনোৱা অনুসৰি এই আক্ৰমণৰ ঘটনাৰ স্বীকাৰ কোনো সন্ত্ৰাসবাদী সংগঠনে বৰ্তমানলৈকে কৰা নাই।
