মঙ্গলবাৰে অগপত যোগদান কৰিয়েই অতুল বৰাৰ স্থিতিৰ বিপৰীতে এক অদ্ভুত ঘোষণা কৰিছে ন-অগপ পৰমানন্দ ৰাজবংশীয়ে।
২১ ৰ নিৰ্বাচনৰ পূৰ্বে পৰমানন্দই অগপ, AJP আৰু ৰাইজৰ দলক একেলগ কৰিব বুলি দৃঢ় প্ৰতিজ্ঞ বুলি ঘোষণা কৰে।
‘অসম জাতীয় পৰিষদ আৰু ৰাইজৰ দল মোৰ বাবে ভাতৃসম। তেওঁলোকৰ লক্ষ্য আৰু উদ্দেশ্য মহান। মই আশা ৰাখিছো এই গোটেইবোৰ ৰাজনৈতিক দলৰ লক্ষ্য আৰু উদ্দেশ্য একগোট কৰি আমি আগবাঢ়িব লাগিব।‘ সংবাদ মাধ্যমৰ আগত এইদৰে কয় পৰমানন্দ ৰাজবংশীয়ে।
অসম জাতীয় পৰিষদৰ নেতৃত্বৰে ইতিমধ্যে এলানি আলোচনা অনুষ্ঠিত কৰা বুলি দাবী কৰি পৰমানন্দই লগতে কয় ‘সকলো আঞ্চলিক ৰাজনৈতিক দলৰ নেতৃত্বৰে আমি কথা পাতিছো। ৰাষ্ট্ৰীয়, জাতীয় সকলো ৰাজনৈতিক দলৰ কাণ্ডাৰীৰ সৈতে আলোচনা আগতেও কৰিছো এতিয়াও চলাই আছো।‘
’২১ ৰ নিৰ্বাচনৰ পূৰ্বে আৰু পাছতো সকলো আঞ্চলিক ৰাজনৈতিক দলক এক লক্ষ্যত উপনীত কৰিবৰ বাবে মই অপ্ৰাণ চেষ্টা কৰি যাম। অগপক অসম জাতীয় পৰিষদৰ সৈতে চামিল কৰিবলৈ আমি কাম কৰি যাম কিয়নো আমি একেখন ঘৰৰে সন্তান।‘ পৰমাই লগতে কয়।
