অসমৰ বন্যাক্ৰান্তলৈ পুনৰ সহায়ৰ হাত আগবঢ়াইছে বলিউদৰ জনপ্ৰিয় অভিনেতা অক্ষয় কুমাৰে।
বানপানীত ক্ষতিগ্ৰস্ত অসমৰ ৰাইজলৈ অভিনেতা অক্ষয় কুমাৰে মুখ্য মন্ত্ৰী সাহায্য পুঁজিৰ জৰিয়তে ১ কোটি টকা সাহায্য হিচাপে আগবঢ়াইছে।
মুখ্য মন্ত্ৰী সৰ্বানন্দ সোণোৱালে মঙলবাৰে টুইটাৰযোগে অসমবাসীক কৰা সহায়ৰ বাবে অভিনেতা অক্ষয় কুমাৰক ধন্যবাদ জ্ঞাপন কৰে।
”অসমৰ এগৰাকী প্ৰকৃত বন্ধু হিচাপে, ভগৱানে আপোনাৰ ওপৰত আশীৰ্বাদৰ বৰষুণ কৰক,” মুখ্য মন্ত্ৰী সোণোৱালে লিখে।
উল্লেখযোগ্য যে, ইয়াৰ পূৰ্বেও বলিউদৰ জনপ্ৰিয় অভিনেতা গৰাকীয়ে অসম বাসীলৈ সহায়ৰ হাত আগবঢ়াইছিল।
পূৰ্বেও মুখ্য মন্ত্ৰী সাহায্য পূঁজিৰ জৰিয়তে অক্ষয় কুমাৰে অসমৰ বানাক্ৰান্ত ৰাইজৰ হকে সহায়ৰ হাত আগবঢ়াইছিল।
অসমত প্ৰথমবাৰৰ বাবে অনুষ্ঠিত হোৱা ফিল্ম ফেয়াৰ এৱাৰ্ডৰ সময়তো অক্ষয় কুমাৰ অসমলৈ আহি অনুষ্ঠান পৰিবেশন কৰিছিল।
